२०८२ कात्तिक १० गते २२:२९ 
News Summary
Generated by OK AI. Editorially reviewed.- इटलीका फास्ट बलर थोमस ड्राक लुम्बिनी लायन्समा अनुबन्ध भएका छन् ।
- थोमसले इटलीका लागि ७ टी२०आई खेल खेल्दै ८ विकेट लिएका छन् ।
- लुम्बिनीले एनपीएलका लागि थोमसलाई दोस्रो विदेशी खेलाडीको रूपमा अनुबन्ध गरेको हो ।
१० कात्तिक, काठमाडौं । इटलीका फास्ट बलर थोमस ड्राक लुम्बिनी लायन्समा अनुबन्ध भएका छन् । नेपाल प्रिमियर लिग (एनपीए) को दोस्रो संस्करणका लागि लुम्बिनीले २७ वर्षीय इटालियन बलरलाई अनुबन्ध गरेको जनाएको छ ।
दायाँ हाते बलर थोमसले इटलीका लागि ७ टी२०आई खेल खेल्दै ८ विकेट लिएका छन् । उनले इटलीलाई पहिलो पटक टी२० विश्वकपमा छनोट गराउन महत्वपूर्ण भूमिका खेलेका थिए ।
थोमस ड्राकाले ब्राम्पटन वल्भ्स र एमआई एमिरेट्सबाट फ्रेन्चाइज लिग खेलिसकेका छन् । यस्तै उनी गत वर्ष इन्डियन प्रिमियर लिग (आईपीएल) को अक्सनमा समेत सहभागि भएका थिए । आइपीएल अक्सनमा दर्ता हुने उनी पहिलो इटालियन खेलाडी समेत बनेका थिए ।
लुम्बिनीले एनपीएलका लागि घोषणा गरेको थोमस दोस्रो विदेशी खेलाडी हुन् । यसअघि लुम्बिनीले अष्ट्रेलिया ब्याटर डार्शी सर्टलाई अनुबन्ध गरिसकेको छ ।
प्रतिक्रिया 4