तमोर करिडोर र मेची राजमार्ग अवरुद्ध

News Summary

Generated by OK AI. Editorially reviewed.

निरन्तर वर्षाका कारण तमोर करिडोर, मेची राजमार्ग र बीपी राजमार्ग बाढी-पहिरोले अवरुद्ध भएका छन्।
पाँचथर र धनकुटाको सिमाना नावा खोलामा बाढी आएपछि तमोर करिडोर अवरुद्ध भएको प्रहरीले जनाएको छ।
मोन्था चक्रवातको आंशिक प्रभावका कारण इलामसहितका जिल्लामा जोखिम बढेपछि प्रशासनले मेची राजमार्गमा सवारी आवागमन रोक लगाएको छ।

काठमाडौं । निरन्तरको वर्षाका कारण बाढी र पहिरो जाँदा विभिन्न जिल्लामा राजमार्ग अवरुद्ध भएका छन् । तमोर करिडोर, मेची राजमार्ग र बीपी राजमार्ग बाढी-पहिरोका कारण अवरुद्ध भएका छन् ।

पाँचथर र धनकुटाको सिमानामा पर्ने नावा खोलामा बाढी आएपछि धरान, धनकुटा, मूलघाट हुँदै पाँचथर–ताप्लेजुङ जोड्ने तमोर करिडोर अवरुद्ध भएको प्रहरीले जनाएको छ ।

यसैगरी मेची राजमार्ग अन्तर्गत इलामको राजदुवाली क्षेत्रमा पनि बाटो बन्द छ । गत असोजमा आएको बाढीपहिरोले क्षति पुगेपछि खोलिएको नयाँ ट्र्याकको ठाउँ–ठाउँमा पहिरो गएका कारण र जमिन भासिएका कारण राजमार्ग अवरुद्ध भएको हो ।

मोन्था चक्रवातको आंशिक प्रभावले कोशी प्रदेशका इलामसहितका जिल्ला समेत जोखिममा पर्ने पूर्वानुमान सार्वजनिक भएसँगै जिल्ला प्रशासन कार्यालयले सो सडकखण्डमा बिहीबार साँझदेखि सवारी आवागमनमा रोक लगाएको थियो ।

पहिरोका कारण बीपी राजमार्ग पनि अवरुद्ध भएको जिल्ला प्रहरी कार्यालय काभ्रेले जनाएको छ ।