कामना सेवा विकास बैंकको नाफा बढ्यो

News Summary

Generated by OK AI. Editorially reviewed.

कामना सेवा विकास बैंकले चालु आर्थिक वर्षको पहिलो त्रैमासमा १९ करोड ७५ लाख रुपैयाँ खुद नाफा कमाएको छ।
बैंकको खुद नाफा अघिल्लो आर्थिक वर्षको तुलनामा १२.९२ प्रतिशतले बढेको छ।
निष्क्रिय कर्जा अंश ३.९६ प्रतिशतबाट ४.४१ प्रतिशतमा बढेको छ भने आधार दर ८.२३ प्रतिशतबाट ६.५५ प्रतिशतमा झरेको छ।

१६ कात्तिक, काठमाडौं । कामना सेवा विकास बैंकले चालु आर्थिक वर्षको पहिलो त्रैमासिक वित्तीय विवरण सार्वजनिक गरेको छ ।

सार्वजनिक वित्तीय विवरणअनुसार कम्पनीको खुद नाफा बढेको छ । अघिल्लो आर्थिक वर्षको यसै अवधिको तुलनामा खुद नाफा १२.९२ प्रतिशत बढेको छ । बैंकले चालु आर्थिक वर्षको पहिलो त्रैमासमा १९ करोड ७५ लाख रुपैयाँ खुद नाफा कमाएको छ, गत आर्थिक वर्षको यसै अवधिमा यस्तो नाफा १७ करोड ४९ लाख रुपैयाँ थियो ।

खुद ब्याज आम्दानी बढ्दा नाफा बढेको हो । खुद ब्याज आम्दानी पहिले ५१ करोड ८७ लाख रुपैयाँ रहेकोमा अहिले ६१ करोड ७६ लाख रुपैयाँ छ । पहिलो त्रैमाससम्म बैंकको वितरणयोग्य नाफा १३ करोड ५२ लाख रुपैयाँ छ । प्रतिसेयर वितरणयोग्य नाफा १४.०१ रुपैयाँ हो । प्रतिसेयर आम्दानी २० रुपैयाँ ४६ पैसा छ भने प्रतिसेयर नेटवर्थ १५२ रुपैयाँ ३१ पैसा छ ।

बैंकको निष्क्रिय कर्जा केही बढेको छ । गत वर्षको असोज मसान्तसम्म कुल कर्जामा निष्क्रिय कर्जा अंश ३.९६ प्रतिशत रहेकोमा यो असोज मसान्तसम्म ४.४१ प्रतिशत छ । घट्दो ब्याजदरले आधार दर घटेको छ । आधार दर पहिले ८.२३ प्रतिशत रहेकोमा अहिले ६.५५ प्रतिशतमा झरेको छ ।