स्वस्तिमाले सुरुमा ‘भद्रगोल’ सिरियलमा अभिनय गरेकी थिइन्

News Summary

Generated by OK AI. Editorially reviewed.

अभिनेत्री स्वस्तिमा खड्काले पहिलो पटक चर्चित हाँस्य टिभी श्रृंखला 'भद्रगोल' मा अभिनय गरेकी थिइन्।
उनले 'भद्रगोल' को ६६ औं भाग १४ फेब्रुअरी २०१५ मा नेपाल टेलिभिजनमा प्रसारण भएको थियो।
स्वस्तिमाको पहिलो फिल्म 'होस्टेल रिटर्न्स' २१ अगस्ट २०१५ मा रिलिज भएको थियो र उनले २० भन्दा धेरै फिल्ममा अभिनय गरेकी छिन्।

काठमाडौं । अभिनेत्री स्वस्तिमा खड्काले पहिलोपटक केमा अभिनय गरेकी थिइन् ? धेरैको जवाफ हुन्छ- ‘होस्टेल रिटर्न्स’ फिल्म ।

तर, उनले त्यसअघि नै चर्चित हाँस्य टिभी श्रृंखला ‘भद्रगोल’ मा अभिनय गरिसकेकी थिइन् ।

‘होस्टेल रिटर्न्स’ २१ अगस्ट, २०१५ मा हलमा रिलिज भएको थियो । स्वस्तिमाले अभिनय गरेको ‘भद्रगोल’ को ६६ औं भाग चाहिँ सोही वर्षको १४ फेब्रुअरीमा नेपाल टेलिभिजनमा प्रसारण भएको थियो (भिडियो हेर्न क्लिक गर्नूस) ।

निर्देशक शंकर आचार्यले भ्यालेन्टाइन्स डेको कथावस्तुको सन्दर्भमा स्वस्तिमालाई अभिनय गराइएको बताए । ‘जिग्री-पाँडेले त्यतिबेला स्वस्तिमाजीलाई खोजेर ल्याउनुभएको थियो’ शंकरले भने, ‘कन्टिन्यू नहुने भएकाले उहाँको छोटो रोल थियो ।’

प्रेम दिवसको कथावस्तुमा सागर लम्साल बलेसँग स्वस्तिमालाई चित्रण गरिएको छ । उक्त एपिसोड छायांकन काठमाडौंको उत्तरमा पर्ने मुर्खुु भञ्ज्याङमा गरिएको थियो ।

एपिसोडमा भने स्वस्तिमाको नाम उल्लेख छैन ।

अहिलेसम्मको विवरण हेर्दा, स्वस्तिको डेब्यू अभिनय ‘भद्रगोल’ हो । ‘होस्टेल रिटर्न्स’ चाहिँ उनको डेब्यू फिल्म । दशक लामो करिअरमा स्वस्तिमाले २० भन्दा धेरै फिल्ममा अभिनय गरेकी छिन् ।