‘दार्चुला : कला साहित्य’ र ‘किशनसिंह धामी : व्यक्ति र कृति’ सार्वजनिक

News Summary

Generated by OK AI. Editorially reviewed.

नेपाल स्रष्टा समाजले 'दार्चुला : कला साहित्य' र 'किशनसिंह धामी : व्यक्ति र कृति' कृतिहरूको लोकार्पण गरेको छ।
कार्यक्रममा नगेन्द्रराज शर्माको प्रमुख आतिथ्यतामा अध्यक्ष श्रीओम श्रेष्ठको अध्यक्षतामा साहित्यिक कृति सार्वजनिक भएको थियो।
साहित्यिक पत्रकार संघले कवि किशनसिंह धामीको 'सम्बोधनमा छ‍ोरी' कविता सङ्ग्रह र डा. हिरण्यलाल ज्ञवालीको समालोचनाकृति लोकार्पण गरेको थियो।

काठमाडौं। नेपाल स्रष्टा समाजले आज ‘दार्चुला : कला साहित्य’ र ‘किशनसिंह धामी : व्यक्ति र कृति’को लोकार्पण गरिएको छ । समाजका अध्यक्ष श्रीओम श्रेष्ठ रोदनको अध्‍यक्षतामा नगेन्द्रराज शर्माको प्रमुख आतिथ्यतामा साहित्यिक कृति सार्वजनिक गरिएको हो ।

कार्यक्रममा प्रमुख अतिथि शर्मा, अध्यक्ष श्रेष्ठ, कृतिकार नेत्रप्रसाद फुयल र साहित्यकार किशनसिंह धामी, समीक्षकद्वय प्रमोद प्रधान र ड़ा. भरत भट्टराई, साहित्यकारहरु डा. तारा निरौला, पवन आलोक, लक्ष्मणप्रसाद गौतम, ज्ञानु अधिकारीलगायतले कृतिहरू लोकार्पण गरेका हुन् ।

समाजका सचिव प्रकाश घायलले स्वागत गर्नु भएको सो कार्यक्रममा साहित्यकार किशनसिंह धामी, ज्ञानु अधिकारी, प्राडा.लक्ष्मणप्रसाद गौतम, प्राडा. खगेन्द्रप्रसाद लुइंटेल, साहित्यकार पवन आलोक, डा. तारा निरौलालगायतले शुभकामना मन्तव्य व्यक्त गरे ।

पत्रकार एवं सर्जक प्रदीप सापकोटाले सहजीकरण गर्नु भएको सो कार्यक्रममा ‘दार्चुला : कला-साहित्य’ ग्रन्थबारे वरिष्ठ समालोचक प्रमोद प्रधानले र ‘किशनसिंह धामी : व्यक्ति र कृति’ बारे समालोचक डा. भरत भट्टराईले समीक्षा गरे ।

सो कार्यक्रमअघि सुदूर पश्चिम नेपालको सांस्कृतिक झाँकी पनि प्रस्तुत गरिएको थियो।

कार्यक्रममा गुन्जनकी संस्थापक अदंपद्यमावती सिंह, निवर्तमान अध्यक्ष हिरण्यकुमारी पाठक, वरिष्ठ पत्रकार गोपाल थपलिया, साहित्यिक पत्रकार संघका अध्यक्ष राधेश्याम लेकाली, तारा किशन फाउन्डेसनकि संरक्षणक तारा धामी, उपन्यास समाजका अध्यक्ष शंकर भारती, साहित्यकारहरु श्याम प्रधान, ईल्या भट्टराई, वियोगी बुढाथोकी, देवीभक्त श्रेष्ठ,प्राडा. गोविन्दमान सुंह कार्की, किशोर पहाडी, जयदेव भट्टराई,विधान आचार्य, त्रिभुवन चन्द वाग्ले, मुरारी सिग्देल, डा शशी थापा, विमल भौकाजी, दीपक लोहनी, गीता कार्की, मधु पाठक, शान्ता अधिकारी, काशीराज पाण्डे, जीवन श्रेष्ठ, डिल्लीरमण सुवेदी, गीता रेग्मी, दिव्य गिरी, ध्रुवराज थापा, मन्जिला अनिल, कमला रिसाल, शिव अधिकारी, व्याकुल पाठक, जय राई, किशन पौडेल, एन्जेल निलु, नीरा श्रेष्ठ महर्जनलगायत दुई सय बढीको उपस्थिति थियो।

कार्यक्रममा सुदुर पश्चिम नेपाल दार्चुलाको सांस्कृतिक झाँकीको प्रस्तुति पनि गरिएको थियो। यस्तै तारा किशन फाउण्डेसनकी संरक्षक तारादेवी धामीले अतिथि तथा वि.सं.२०७९ मा दार्चुलामा भएको साहित्यिक सम्मेलनमा जाने स्रष्टाहरुलाई मायाको चिनो प्रदान गरिन्।

साहित्यिक पत्रकार संघ (सापस)ले कवि किशनसिंह धामीद्वारा लिखित कविता सङ्ग्रह ‘सम्बोधनमा छ‍ोरी’ र डा. हिरण्यलाल ज्ञवालीको समालोचनाकृति ‘एटलान्टिकका भंगालामा डुबुल्की मार्दा’को लोकार्पण गरेको थियो ।