एमाले प्रतिनिधि छनोट : बारामा संस्थापन समूह हाबी

संस्थापन पक्ष : भावना आचार्य, अनिल मैनाली, जलन्धर सिंह, मोबिन आलम, रविन्द्र दास श्रेष्ठ, टिना सुवेदी र उमेश गुप्ता । संस्थापन इतर : लिला लामिछाने खनाल, देवनारायण चौधरी, चयन गुरुङ र दुर्गा खनाल ।

१४ मंसिर, बारा । नेकपा एमाले बारामा संस्थापन तर्फका प्रतिनिधि धेरै आएका छन् ।

२५ जना प्रतिनिधि चयन हुँदा ६ जना मात्र संस्थापन इतरका छन् । बारा–२ मा मतदान भएको थियो भने बाँकी क्षेत्रमा सर्वसम्मति जुटेको थियो ।

दलित तर्फ पनि सर्वसम्मत प्रतिनिधि चयन गरिएको एमाले बाराका अध्यक्ष अध्यानन्द पाण्डेले जानकारी दिए ।

संस्थापन समूहमा एक जना प्रदेश सांसद र दुई मेयर निर्वाचित भएका छन् । बारा–३ (क) का प्रदेश सांसद रविन्द्रदास श्रेष्ठ, कलैया उपमहानगरपालिकाका मेयर विनोद साह र पचरौता नगरपालिकाका मेयर जालन्धर सिंहले संस्थापन समूहको प्रतिनिधित्व गर्दा इतर समूहबाट बारा ४(१) का प्रदेश सांसद देवनारायण चौधरी र जीतपुर सिमराकी वडाध्यक्ष चयन गुरुङ निर्वाचित भएकी छन् ।

बाराका ४ निर्वाचन क्षेत्र र दलिततर्फ गरी पाँचवटा छुट्टाछुट्टै केन्द्रमा प्रतिनिधि छनोटका लागि उम्मेदवारी दर्ता भएको थियो ।

बारा–२ मा सहमति हुन नसक्दा मतदानबाट प्रतिनिधि छनोट गरिएको हो भने अन्यत्र सहमतिमै प्रतिनिधि छनोट टुंगिएको एमाले बाराका अध्यक्ष पाण्डेले जानकारी दिए ।

‘बारा क्षेत्र नम्बर २ मा सहमतिको प्रयास विफल भएपछि मतदानबाट टुंगो लागेको छ, अन्यत्र हामीले सहमतिमै प्रतिनिधि छनोट टुंग्यायौं,’ अध्यक्ष पाण्डेले भने ।

एमाले बारा जिल्ला इन्चार्ज समेत रहेकी पोलिटब्युरो सदस्य ज्वालाकुमारी साहले भने महाधिवेशन प्रतिनिधि छनोट गुटका आधारमा नभई पार्टीमा योगदान गर्नेहरूको सम्मान हुने गरी गरिएको दाबी गरिन् ।

‘बारा जिल्लामा पार्टी एक भएको छ, हामीले गुटका आधारमा कुनै काम गरेका छैनौं,’ साहले भनिन् ।

एमालेको २५ महाधिवेशन प्रतिनिधि चयनका लागि बारामा १०७ जनाको उम्मेदवारी परेको थियो । बारा २ बाहेक अन्य क्षेत्रमा सहमतिमै प्रतिनिधि छनोट टुंग्याइएको हो ।

संस्थापन समूह

बारा–१

अम्बिका चौलागाँई

शम्भु साह कलवार

दिपक चौधरी

बारा–२

जालन्धर सिंह

भुलन चौधरी

नागमती देवि यादव

लक्ष्मी यादव

बारा–३

रविन्द्रदास श्रेष्ठ