विराटनगरमा आगजनी गर्ने ५ पक्राउ

News Summary

Generated by OK AI. Editorially reviewed.

जेनजी आन्दोलनका क्रममा २४ भदौमा विराटनगरका सरकारी कार्यालय आगजनी गरेको आरोपमा ताजिम अन्सारी पक्राउ परेका छन्।
अन्सारी नेपाली कम्युनिष्ट पार्टीका स्थानीय नेता हुन् र उनले सरकारी कार्यालयमा तोडफोड र आगजनीमा संलग्नता स्वीकारेका छन्।
मोरङ प्रहरीले राजिव यादव, अरुण साह सोनार, महेश नेपाल, आवाज पौडेलसहित २३ भन्दा बढीलाई तोडफोड र आगजनीमा संलग्न भएको आरोपमा पक्राउ गरेको छ।

१४ मंसिर, विराटनगर । जेनजी आन्दोलनका क्रममा गत २४ भदौमा विराटनगरका सरकारी कार्यालय आगजनी गरेको आरोपमा पाँच जना पक्राउ परेका छन् । पक्राउ पर्नेमा नेपाली कम्युनिष्ट पार्टीका स्थानीय नेता ताजिम अन्सारी पनि छन् ।

अमनलाल मोदी सामान्य प्रशासन मन्त्री हुँदा उनी स्वकीय सचिव थिए ।

गत २४ भदौमा अन्सारीले सरकारी कार्यालयहरूमा तोडफोड र आगजनीमा उनी संलग्न रहेको प्रहरीले बताएको छ । सरकारी कार्यालय आगजनी र तोडफोड गर्दै गरेको भिडियो पनि सार्वजनिक भएको थियो ।

तोडफोड र आगजनीमा संलग्न भएको देखिएपछि अन्सारीलाई विराटनगरबाट पक्राउ गरेको मोरङ प्रहरी प्रमुख कवित कटवालले जानकारी दिए । उनका अनुसार अन्सारी विराटनगर बजारबाट पक्राउ परेका हुन् ।

प्रहरीका अनुसार तोडफोड र आगजनीमा संलग्नहरु राजिव यादव, अरुण साह सोनार, महेश नेपाल र आवाज पौडेल पनि पक्राउ परेका छन् ।

प्रहरी आइतबार रंगेलीबाट पनि तीन जनालाई पक्राउ गरेको थियो । मोरङ प्रहरीले तोडफोड र आगजनीमा संलग्न भएको आरोपमा यसअघि २३ जनालाई पक्राउ गरेको थियो ।