एमालेको सुदूरपश्चिम प्रदेश कमिटीबाट सर्वसम्मत प्रतिनिधि चयन

News Summary

Generated by OK AI. Editorially reviewed.

नेकपा एमालेको ११औं राष्ट्रिय महाधिवेशनका लागि सुदूरपश्चिम प्रदेश कमिटीले सर्वसम्मत पाँच जना प्रतिनिधि चयन गरेको छ।
प्रदेश सचिवालय बैठकले अध्यक्ष कृष्णप्रसाद जैशीसहित चार पदाधिकारी र एक प्रदेश सदस्यलाई प्रतिनिधि चयन गरेको सचिव रणबहादुर चन्दले जानकारी दिए।
सुदूरपश्चिम प्रदेशका पाँच पहाडी जिल्लासहित प्रदेशका ९ क्षेत्रमा सर्वसम्मत प्रतिनिधि चयन भएको छ, बझाङ र डोटीमा दोहोरो सूची विवाद भएको छ।

धनगढी । नेकपा एमालेको ११औं राष्ट्रिय महाधिवेशनका लागि सुदूरपश्चिम प्रदेश कमिटीले सर्वसम्मत पाँच जना प्रतिनिधि चयन गरेको छ ।

सोमबार बसेको प्रदेश सचिवालय बैठकले अध्यक्ष कृष्णप्रसाद जैशीसहित चार पदाधिकारी र एक प्रदेश सदस्यलाई प्रतिनिधि चयन गरेको हो ।

प्रतिनिधि चयन हुनेमा उपाध्यक्ष कालीबहादुर शाही, सचिव रणबहादुर चन्द, उपसचिव भागरथी विष्ट र प्रदेश कमिटी सदस्य झुमादेवी चौधरी रहेको सचिव रणबहादुर चन्दले जानकारी दिए ।

उनकाअनुसार प्रदेश सचिवालय बैठकले प्रतिनिधि सर्वसम्मत चयन गरेको हो ।

एमालेले सुदूरपश्चिम प्रदेशका पाँच पहाडी जिल्लासहित प्रदेशका ९ क्षेत्रमा सर्वसम्मत प्रतिनिधि चयन गरेको छ । पाँच क्षेत्रमा मतदानबाट प्रतिनिधि चयन भएकोमा बझाङ र डोटीमा नेताहरूबीच विवाद हुँदा दोहोरो सूची सार्वजनिक भएको छ ।

प्रदेश कमिटीले विवाद भएका जिल्लाबाट प्राप्त दोहोरो सूचीलाई हुबहु केन्द्रमा पठाइने जनाएको छ ।

प्रदेश कमिटीकाअनुसार सुदूरपश्चिमबाट राष्ट्रिय महाधिवेशनमा १४० भन्दा बढी प्रतिनिधि सहभागी हुनेछन् ।