१९ मंसिर, काठमाडौं । नेकपा एमालेले ओखलढुंगा र धनकुटामा महाधिवेशन प्रतिनिधि छनोटको काम ५ दिनभित्र सक्न निर्देशन दिएको छ ।
दुवै जिल्लामा प्रतिनिधि छनोट विवादित बनेपछि एमाले संगठन विभागले पुनः प्रतनिधि छनोटको प्रक्रिया थाल्न निर्देशन दिएको हो ।
‘५ दिनको समय दिएर पुनः निर्वाचन गर्न पत्र पठाएका छौँ । पार्टी केन्द्रीय नेतालाई सहजीकरण गर्न भनेका छौं,’ संगठन विभाग प्रमुख काशीनाथ अधिकारीले भने ।
उनका अनुसार बाँकी जिल्लामा प्रतिनिधि छनोट सकिएको छ ।
‘भौगोलिक, गैरभौगोलिक, विभाग, जनसंगठन सबैमा प्रतिनिधि छनोट सकिएको छ,’ उनले भने ।
उजुरी र गुनासो आएको ठाउँमा अध्ययन गरिरहेको पनि प्रमुख अधिकारीले बताए ।
महाधिवेशनमा २ हजार २५० देखि २ हजार २७५ सम्म प्रतिनिधि छनोट हुने उनले बताए ।
‘एक दुई दिनमै प्रतिनिधि छनोटको काम टुंगिन्छ,’ उनले भने । एमाले महाधिवेशन २७ मंसिरदेखि सुरु हुँदैछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4