ग्लोबल ट्रेन्डिङमा आएको ‘कश्मिरे पछ्यौरी’ लाई १० करोड भ्यूज

Listen News

0:00

0:30

🔊

News Summary

Generated by OK AI. Editorially reviewed.

कश्मिरे पछ्यौरी गीत १८ जनवरी २०२४ मा युट्युबमा रिलिज भएको थियो।
टिकटकमाथि प्रतिबन्ध हटेपछि यो गीत युट्युबको ग्लोबल ट्रेन्डिङमा परेको पहिलो नेपाली गीत बन्यो।
गीतले केही दिनअघि युट्युबमा १० करोड भ्यूजको उपलब्धि हासिल गरेको छ।

काठमाडौं । ‘कश्मिरे पछ्यौरी’ गीत रिलिज हुँदा नेपालमा टिकटकमाथि प्रतिबन्ध लागेको अवस्था थियो । रिलिजको बेला यसले सोचेजस्तो भ्यूज पाएन । धेरैलाई यो गीतबारे उति थाहा पनि भएन ।

जतिबेला, टिकटकमाथिको फुकुवा हट्यो, त्यसपछि भने यसको लोकप्रियतामा उछाल आयो । टिकटकमा भाइरल मात्र बनेन, युट्युबको ग्लोबल ट्रेन्डिङमा पर्ने सम्भवतः पहिलो नेपाली गीत बन्यो ।

१८ जनवरी, २०२४ मा युट्युबमा रिलिज भएको यो गीतले युट्युबमा केही दिनअघि १० करोड भ्यूजको उपलब्धि हासिल गरेको छ ।

निश्चल दवाडीको शब्द तथा संगीत रहेको यो गीतमा बाबुकृष्ण परियार र दीपिका बयम्बुको स्वर छ । गीतको अडियो पक्ष बलियो छ । सरल शब्द र लोकलयमा तयार गरिएको गीत मनछुने पनि छ । गीतको भिडियो पनि यसको आकर्षक पक्ष हो ।

भिडिओमा बाबुकृष्ण र केपिना गोतामेको अभिनय तथा नृत्य छ । मौसम हिमालीको कथा तथा निर्देशनमा भिडियो बनेको हो ।