बोन्डी बीचका आक्रमणकारी अकरमविरूद्ध हत्याका १५ मुद्दा

News Summary

Generated by OK AI. Editorially reviewed.

अस्ट्रेलियाको सिड्नीमा भएको बोन्डी बीच गोलीबारीका जीवित संदिग्ध नविद अकरममाथि ५९ आरोप लगाइएको छ।
न्यू साउथ वेल्स प्रहरीले नविदमाथि १५ हत्याका आरोप र एक आतंकवादीकृत्य गरेको आरोप तय गरेको छ।
यो आक्रमण यहुदी समुदायलाई लक्षित गरी हनुक्काको पहिलो रातमा भएको थियो र १५ जनाको मृत्यु भएको थियो।

२ पुस, काठमाडौं । अस्ट्रेलियाको सिड्नीमा भएको ‘बोन्डी बीच गोलीबारी’का जीवित संदिग्ध आक्रमणकारी नविद अकरममाथि ५९ आरोप लगाइएको छ ।

न्यू साउथ वेल्स प्रहरीका अनुसार नवीदविरूद्ध १५ हत्याका आरोप र एक आतंकवादीकृत्य गरेको आरोप तय गरिएको छ । अर्का आक्रमणकारी ५० वर्षीय साजिद अकरमको प्रहरीको जवाफी कराबाहीमा घटनास्थलमै मृत्यु भएको थियो ।

यहुदी समुदायलाई लक्षित गरेर भएको आक्रमणमा १५ जनाको मृत्यु हुनुका साथै थुप्रै मानिसहरू घाइते भएका थिए ।

यो आक्रमण यहुदी पर्व हनुक्काको पहिलो रातमा आयोजना हुने समारोहका दौरान भएको थियो । सन् १९९६ पछि अस्ट्रेलियामा भएको यो सबैभन्दा घातक गोलीबारी मानिएको छ ।

नवीद अकरममाथि हत्याको आशय राखेर गम्भीर शारीरिक नोक्सान पुर्‍याइएको ४० आरोप पनि लगाइएको छ
।

यसका साथै प्रतिबन्धित चरमपन्थी संगठनको प्रतिक सार्वजनिक रूपमा प्रदर्शन गरेको एउटा आरोप पनि उनीमाथि लगाइएको छ ।