गोलभेँडाको भाउ बढ्यो

Listen News

0:00

0:30

🔊

News Summary

Generated by OK AI. Editorially reviewed.

कालीमाटी फलफूल तथा तरकारी बजार विकास समितिले आइतबार सानो लोकल गोलभेँडाको भाउ ११.६७ प्रतिशतले बढेर प्रतिकिलो ८३ रुपैयाँ कायम भएको जनाएको छ।
टनेल गोलभेँडाको भाउ शनिबारको तुलनामा १४.८२ प्रतिशतले बढेर आइतबार प्रतिकिलो ९७ रुपैयाँ पुगेको छ।
भारतीय सानो गोलभेँडाको मूल्य ८ रुपैयाँले बढेर प्रतिकिलो ९८ रुपैयाँ कायम भएको छ भने तराई सानो गोलभेँडा प्रतिकिलो ९३ रुपैयाँमा किनबेच भइरहेको छ।

६ पुस, काठमाडौं । बजारमा गोलभेँडाको भाउ बढेको छ । कालीमाटी फलफूल तथा तरकारी बजार विकास समितिले आइतबारका लागि निर्धारण गरेको मूल्यसूचीले गोलभेँडाको भाउ बढेको देखाएको हो ।

आज आइतबार सानो लोकल गोलभेँडाको भाउ शनिबारको तुलनामा ११.६७ प्रतिशतले बढेको छ । हिजो शनिबार सानो लोकल गोलभेँडा प्रतिकिलो थोकमा औसत ७५ रुपैयाँमा किनबेच भएको थियो । आज उक्त गोलभेँडाको भाउ प्रतिकिलो ८ रुपैयाँले बढेर ८३ रुपैयाँ कायम छ ।

यस्तै आज टनेल गोलभेँडा प्रतिकिलो १२ रुपैयाँ बढेको छ । हिजो शनिबारको तुलनामा टनेलको गोलभेँडा प्रतिकिलो १४.८२ प्रतिशतले बढेर ९७ रुपैयाँ कायम छ । हिजो उक्त गोलभेँडा प्रतिकिलो ८५ रुपैयाँमा किनबेच भएको थियो ।

यसैगरी आज भारतीय सानो गोलभेँडाको मूल्य ८ रुपैयाँले बढेर प्रतिकिलो ९८ रुपैयाँ कायम छ । तराई सानो गोलभेँडा आज प्रतिकिलो ९३ रुपैयाँमा किनबेच भइरहेको तथ्यांकले देखाउँछ ।