नागार्जुनमा उत्पादित रायोको सागमा ९९ प्रतिशत बढी विषादी

News Summary

Generated by OK AI. Editorially reviewed.

खाद्य प्रविधि तथा गुण नियन्त्रण विभागले काठमाडौं उपत्यकामा उत्पादन हुने रायो सागमा उच्च मात्रामा विषादी भेटिएको जनाएको छ।
विभागले नागार्जुन नगरपालिकाका ५ वटा तरकारी फार्ममा परीक्षण गर्दा एक फार्मको रायो सागमा ९९.५२९ प्रतिशत अर्गानोफस्फोरस विषादी भेटिएको छ।
सरकारले ३५ प्रतिशतभन्दा कम विषादी मात्रालाई मात्र उपभोगयोग्य मानेको हुँदा उक्त फार्मको रायो साग खान अयोग्य ठहर गरी बिक्री नगर्न निर्देशन दिइएको छ।

१३ पुस, काठमाडौं । काठमाडौं उपत्यकामा उत्पादन हुने रायो सागमा उच्च मात्रामा विषादी भेटिएको छ ।

खाद्य प्रविधि तथा गुण नियन्त्रण विभागले नागार्जुन नगरपालिकाका–६ र ७ (रामकोट) का ५ वटा तरकारी फार्ममा विषादी परीक्षण गरेको थियो ।

विभागले ५ वटा फार्मका साग र गोलभेँडा गरी १४ वटाको नमुना संकलन गरी मोबाइल खाद्य प्रयोगशाला भ्यानमा जीवनाशक विषादीको अवशेष परीक्षण गर्दा ४ वटा फार्मको रायो साग र गोलभेँडा मापदण्डभित्र रहे पनि एक फार्मको सागमा अत्यधिक मात्रामा विषादी रहेको पाइएको हो ।

परीक्षण क्रममा सक्रिय कृषि तथा पशुपन्छी फार्ममा उत्पादित रायोको सागमा अर्गानोफस्फोरस वर्गको विषादी ९९.५२९ प्रतिशत भेटिएको छ ।

सरकारले उक्त विषादीको प्रतिशत दर ३५ भन्दा कम हुँदा मात्रै उपभोगयोग्य मानेको छ ।

अत्यधिक मात्रामा विषादी भेटिएको उक्त फार्मको रायोको साग खान अयोग्य मानिएकाले बिक्री नगर्न निर्देशन दिइएको विभागले जनाएको छ ।