नेवानिको ‘न्यारो बडी’ जहाज इन्जिन सट्टापट्टा गर्न इजरायल जाँदै

News Summary

Generated by OK AI. Editorially reviewed.

नेपाल वायुसेवा निगमको ए३२०-२०० सिरिजको न्यारो बडी जहाज इन्जिन सट्टापट्टाका लागि इजरायल जान लागेको छ।
निगम प्रवक्ता अर्चना खड्काका अनुसार, आईएमआईसँगको ‘मेन्टिनेन्स विथ लिज सपोर्ट’ सम्झौतामा आधारित वार्तापछि जहाज इजरायल पठाउन लागिएको हो।
इन्जिन र प्राविधिक प्रक्रिया पूरा भएपछि जनवरी दोस्रो साता जहाज काठमाडौं फर्कने निगमले जनाएको छ।

१४ पुस, काठमाडौं । नेपाल वायुसेवा निगम (नेवानि) को एक थान ‘न्यारो बडी’ जहाज इन्जिन सट्टापट्टा गर्न इजरायल जाने भएको छ ।

निगम प्रवक्ता अर्चना खड्काका अनुसार निगम र इजरायलस्थित आईएमआईबीच विद्यमान ‘मेन्टिनेन्स विथ लिज सपोर्ट’ सम्झौताका आधारमा वार्ताका माध्यमबाट समझदारी भएपछि जहाज इजरायल पठाउन लागिएको हो ।

नेवानिको ‘ए३२०-२००’ सिरिजको न्यारो बडी जहाज आज इजरायल पुग्ने कार्यक्रम रहेको समेत उनले बताइन् । इन्जिन तथा प्राविधिक प्रक्रिया पूरा भएपछि जनवरी दोस्रो साता जहाज काठमाडौं आउने तालिका छ ।

नेवानि उच्च व्यवस्थापनको निरन्तरको प्रयासले लामो समयदेखि विवादमा रहेको विषय टुंगिएको र इन्जिन सट्टापट्टा गर्ने प्रक्रिया अगाडि बढेको निगमले जनाएको छ ।