कांग्रेस केन्द्रीय समितिको म्याद थप्ने प्रस्ताव

News Summary

Generated by OK AI. Editorially reviewed.

नेपाली कांग्रेसको केन्द्रीय कार्यसम्पादन समितिले केन्द्रीय समितिको म्याद जेठ मसान्तसम्म थप्ने प्रस्ताव गरेको छ।
सभापति शेरबहादुर देउवाले सानेपामा जारी समितिमा म्याद थप प्रस्ताव गरेका हुन्।
पहिले दुई महिना थपेर माघ मसान्तसम्म म्याद बढाइएको थियो।

१८ पुस, काठमाडौं । नेपाली कांग्रेसको वर्तमान केन्द्रीय समितिको म्याद थप्ने प्रस्ताव गरिएको छ ।

सानेपामा जारी केन्द्रीय कार्यसम्पादन समितिमा सभापति शेरबहादुर देउवासहित केन्द्रीय कार्यसमितिको म्याद जेठ मसान्तसम्म थप्ने प्रस्ताव गरिएको हो । यसअघि दुई महिना थपेर माघ मसान्तसम्म बढाइएको थियो ।

कांग्रेसको १४औं महाधिवेशनबाट निर्वाचन कार्यसमितिको कार्यकाल यही मंसिरमा सकिनुअघि माघसम्म म्याद थप भएको थियो । आजको बैठकमा महाधिवेशन वैशाख २८-३१ गतेसम्म गर्ने प्रस्ताव कार्यवाहक सभापति पूर्णबहादुर खड्काले गरेका छन् ।

कांग्रेसको नियमित महाधिवेशन तालिका यही पुस २६-२८ गते हुने निर्णय मंसिर १५ गतेको केन्द्रीय समितिको बैठकले गरेको थियो । तर उक्त निर्णयसहितको तालिका सबै प्रभावित भइसकेको छ । कांग्रेसमा अहिले पुसभित्रै विशेष महाधिवेशन गर्नुपर्ने माग पनि उठेको छ । महामन्त्रीद्वय गगनकुमार थापा र विश्वप्रकाश शर्माले विशेष महाधिवेशन बाध्यकारी भइसकेको बताएका छन् ।