आशिष अविरल दम्पतीको ‘प्रेगनेन्सी फोटोसूट’

News Summary

Generated by OK AI. Editorially reviewed.

सांगीतिक जोडी आशिष अविरल र सुशीला पाठकले नयाँ सन्तानको स्वागतको तयारीमा सामाजिक सञ्जालमार्फत 'बेबी बम्प' फोटो सेयर गरी जानकारी दिएका छन्।
अमेरिकाबाट केही दिनअघि फर्किएका आशिषले श्रीमतीको 'बेबी बम्प' देखाउँदै मायालु फोटो खिचेका छन् भने सुशीलाले 'बेबी लोडिङ, लभ ग्रोइङ, ब्लेसिङ मल्टिप्लाइङ' लेखेकी छन्।
आशिषले अमेरिकाबाट हिट गीत कम्पोज गर्दै आएका थिए भने सुशीलाले पनि हिट गीतमा स्वर दिइरहेकी छन्।

काठमाडौं । सांगीतिक जोडी आशिष अविरल र सुशीला पाठक नयाँ सन्तानको स्वागतको तयारीमा जुटेका छन् । दुबैजनाले सामाजिक सञ्जालमार्फत ‘बेबी बम्प’ को आकर्षक फोटो सेयर गर्दै फ्यानलाई यसबारे जानकारी दिएका छन् ।

केही दिनअघि अमेरिकाबाट नेपाल फर्किएका अविरलले श्रीमतीको ‘बेबी बम्प’ देखाउँदै मायालु फोटो खिचाएका छन् । गायिका पाठकले फेसबुकमा लेखेकी छिन्, ‘बेबी लोडिङ, लभ ग्रोइङ, ब्लेसिङ मल्टिप्लाइङ ।’

उक्त क्याप्सनसँगै सुशीलाले श्रीमानसँगको ‘रोमान्टिक प्रेगनेन्सी’ फोटोसुट सेयर गरेकी छन् । ग्रीनकार्ड लिएका आशिष केही महिनादेखि अमेरिकातिर बस्दै आएका छन् । गतसाता उनी नेपाल फर्किएका हुन् ।

आशिषले पछिल्लो समय अमेरिकाबाटै केही हिट गीतको कम्पोज गर्दै आएका थिए भने त्यहाँ पनि प्रस्तुति दिँदै आएका थिए । सुशीलाले पनि हिट गीतमा स्वर दिएकी छन् ।