२०८२ माघ २ गते १२:१० 
News Summary
Generated by OK AI. Editorially reviewed.- नेपाली राष्ट्रिय क्रिकेट टिमका ओपनर कुशल भुर्तेलसँग केटीएम कन्सल्टिङ ग्रुपले माघ ३ गते ‘मिट एन्ड ग्रिट’ कार्यक्रम आयोजना गर्ने भएको छ।
- कार्यक्रम काठमाडौंको डिल्लीबजारस्थित कन्सल्टेन्सी कार्यालयमा निःशुल्क आयोजना हुनेछ र विद्यार्थी, अभिभावक तथा क्रिकेटप्रेमीलाई लक्षित गरिएको छ।
- केटीएम कन्सल्टिङ ग्रुपले फ्यानहरूलाई आकर्षक उपहार दिने र २० जना विजेताको नाम कार्यक्रमकै दिन घोषणा गर्ने जनाएको छ।
२ माघ, काठमाडौं । नेपाली राष्ट्रिय क्रिकेट टिमका ओपनर कुशल भुर्तेलसँग केटीएम कन्सल्टिङ ग्रुपले ‘मिट एन्ड ग्रिट’ कार्यक्रम आयोजना गर्ने भएको छ ।
केटीएम कन्सल्टिङ ग्रुपको ब्रान्ड एम्बेसडरसमेत रहेका भुर्तेल टी-२० विश्वकप खेल्न जानुअघि माघ ३ गते ‘मिट एन्ड ग्रिट’ कार्यक्रममा सहभागी हुने भएका हुन् ।
उक्त कार्यक्रम काठमाडौंको डिल्लीबजारस्थित कन्सल्टेन्सीको कार्यालयमा आयोजना हुने केटीएम कन्सल्टिङ ग्रुपले जनाएको छ ।
विद्यार्थी, अभिभावक तथा क्रिकेटप्रेमी फ्यानहरूलाई भेटघाट गर्ने अवसरको रुपमा उक्त कार्यक्रम गर्न लागिएको आयोजकले जनाएको छ ।
विद्यार्थीहरुले क्रिकेट र खेलकुदको बारेमा जानकारी पाउने आयोजकको विश्वास छ ।
पूर्ण रूपमा निःशुल्क रहेको उक्त कार्यक्रममा फ्यानहरूलाई लक्षित गरी आकर्षक उपहारको व्यवस्था गरिएको छ । सहभागीमध्ये २० जना भाग्यशाली विजेताको नाम कार्यक्रमकै दिन घोषणा गरिने आयोजकले जनाएको छ ।
कार्यक्रमको मुख्य उद्देश्य अन्तर्राष्ट्रिय प्रतियोगितामा सहभागी हुन लागेका खेलाडीलाई मनोबल बढाउनुका साथै विद्यार्थी र अभिभावकहरूलाई प्रेरित गर्नु रहेको केटीएम कन्सल्टिङ ग्रुपले जनाएको छ ।
प्रतिक्रिया 4