यातायात पूर्वाधारविज्ञ गजुुरेल सिन्धुली २ बाट रास्वपा उम्मेदवार

News Summary

Generated by OK AI. Editorially reviewed.

राष्ट्रिय स्वतन्त्र पार्टीले सिन्धुली–२ मा यातायात पूर्वाधारविज्ञ आशिष गजुरेललाई उम्मेदवार बनाएको छ।
गजुरेलले नेपाल इन्टरमोडल यातायात विकास समितिका कार्यकारी निर्देशक पदबाट राजीनामा दिएका छन्।
गजुरेलले देशको यातायात प्रणाली सुधार र पूर्वाधार विकासमा लामो समयदेखि सक्रिय अभियान सञ्चालन गर्दै आएका छन्।

५ माघ, काठमाडौं । राष्ट्रिय स्वतन्त्र पार्टीले सिन्धुली–२ मा यातायात पूर्वाधारविज्ञ आशिष गजुरेललाई उम्मेदवार बनाएको छ ।

यातायात तथा पूर्वाधार क्षेत्रका अनुभवी गजुरेल नेपाल इन्टरमोडल यातायात विकास समितिका कार्यकारी निर्देशकका रूपमा कार्यरत थिए ।

रास्वपाबाट उम्मेदवार बन्ने टुंगो लागेसँगै उनले उक्त पदबाट औपचारिक रूपमा राजीनामा दिएका छन् ।

गजुरेलले लामो समयदेखि देशको यातायात प्रणाली सुधार, पूर्वाधार विकास, र सुरक्षित तथा दिगो यातायातको पक्षमा सक्रिय अभियान सञ्चालन गर्दै आएका छन् ।

नीति निर्माणदेखि कार्यान्वयन तहसम्मको अनुभव बोकेका उनलाई यातायात क्षेत्रको सुधार अभियान्ताका रूपमा चिनिन्छ ।

सिन्धुली–२ गजुरेलको गृहक्षेत्र हो । विकास र सुशासनलाई प्राथमिकतामा राख्दै संसदमा नयाँ सोच र प्राविधिक दृष्टिकोण भित्र्याउने लक्ष्यका साथ रास्वपाले उनलाई उम्मेदवार बनाएको हो ।