भोट माग्दै ‘भ्वाइस अफ नेपाल’ का प्रतिस्पर्धी, १२ जनाको समीकरण पूरा

'भ्वाइस अफ नेपाल' सातौं सिजन अन्तर्गत शनिबार प्रसारित २६ औं एपिसोडको दृश्य ।

News Summary

Generated by OK AI. Editorially reviewed.

‘भ्वाइस अफ नेपाल’ को सातौं सिजनको ‘लाइभ शो’ मा चार कोचको समूहमा १२ जना प्रतियोगी छन्।
प्रत्येक कोचको समूहबाट एकजना प्रतियोगी फिनालेमा प्रवेश गर्नेछन् र उपाधिका लागि ४ जना प्रतिस्पर्धा गर्नेछन्।
प्रतियोगी र कोचहरूले दर्शकबाट भोट माग्न ब्यस्त छन् र दर्शकको मतको आधारमा न्यून भोट ल्याउने प्रतियोगी बाहिरिने क्रम सुरु भएको छ।

काठमाडौं । ‘भ्वाइस अफ नेपाल’ को सातौं सिजन रोचक बनिरहेको छ । यतिबेला दर्शकले ‘लाइभ शो’ को मजा लिइरहेका छन् । यो शोमा दर्शकको मतको आधारमा न्यून भोट ल्याउने प्रतियोगी बाहिरिने क्रम सुरु भएको छ ।

एकजना कोचको समूहमा ‘उत्कृष्ट ३’ जना प्रतियोगी छनोट भएका छन् । जसअनुसार, चारजना कोचको समूहमा यतिबेला १२ जना प्रतियोगी छन् ।

एकजना कोचको समूहबाट एकजना प्रतियोगी आफ्नो टिमको प्रतिनिधित्व गर्दैै फिनालेमा प्रवेश गर्नेछ । उपाधिका लागि फिनालेमा ४ जनाले प्रतिस्पर्धा गर्नेछन् ।

‘लाइभ शो’ मा अहिले एक समूहमा ३ जनासहित कुल १२ जना प्रतियोगीको समीकरण तयार छ । लाइभ शोबाट दर्शकले भोट दिनुपर्ने भएकाले प्रतियोगी र कोच भोट माग्न ब्यस्त छन् ।

कुन कोचको समूहमा को-को ?

टिम खेम सेन्चुरी :

भविका पुन, सागर संसार राई, छिरिङ डोल्मा शेर्पा

टिम राजु लामा :

कार्साङ शेर्पा, मनुमित लेप्चा, नीताकुमारी मगर

टिम प्रमोद खरेल :

पुनम गुरुङ, रञ्जिता विश्वकर्मा, युनिस लिम्बु

टिम मेलिना राई :

अञ्जना सारु मगर, सञ्जिता दुरा, सियोन महर्जन