भोलिदेखि रिलिज हुने ‘आबाट आमा’, ‘द ब्लू लाइट’, ‘प्राइमेट’ ले कति शो पाए ?

News Summary

Generated by OK AI. Editorially reviewed.

चन्द्र पन्त निर्देशित नेपाली फिल्म 'आबाट आमा' ले शुक्रबार देशब्यापी १५३ वटा शोज पाएको छ।
बेनिशा हमालको मुख्य भूमिका रहेको 'द ब्लू लाइट' ले शुक्रबार ७२ शोज पाएको छ।
जोन्स रोबर्ट्स निर्देशित हलिउड फिल्म 'प्राइमेट' ले देशब्यापी ४५ शोज पाएको छ।

काठमाडौं । शुक्रबारदेखि २ नेपाली र एक हलिउड फिल्म थिएटरमा प्रदर्शन हुँदैछन् । हलले प्रचारप्रसार र स्टारकास्टको आधारमा शो विभाजन गरेका छन् ।

चन्द्र पन्त निर्देशित ‘आबाट आमा’ ले अन्य दुईभन्दा धेरै शोज पाएको छ । यो फिल्मले शुक्रबार देशब्यापी १५३ वटा शोज पाएको देखिएको छ । यो शोज संख्या सुखद अवश्य हो ।

विपना थापा, प्रदीप रावत, पल शाहको शीर्ष भूमिका रहेको यो फिल्मलाई फेमिली ड्रामा जनरामा राखिएको छ । यो फिल्मको रनटाइम १६० मिनेट र सर्टिफिकेट युनिभर्सल छ ।

बेनिशा हमालको शीर्ष भूमिका रहेको मल्टिस्टारर थ्रीलर ड्रामा ‘द ब्लू लाइट’ पनि प्रदर्शन हुँदैछ । यो फिल्मले शुक्रबारको लागि देशब्यापी ७२ शोज पाएको देखिएको छ ।

बेनिशासहित अर्पण थापा, महेश त्रिपाठी, सृष्टि श्रेष्ठ, आयुष्मान जोशीको शीर्ष भूमिका रहेको यो फिल्मको रनटाइम १०१ मिनेट छ । सर्टिफिकेट पीजी छ । यसलाई मनोवैज्ञानिक थ्रीलर समेत बताइएको छ ।

जोन्स रोबर्ट्स निर्देशित हलिउड फिल्म ‘प्राइमेट’ पनि रिलिज हुँदैछ । यो फिल्मले देशब्यापी ४५ शोज पाएको छ । हरर जनरामा राखिएको यो फिल्मको रनटाइम ८९ मिनेट र सर्टिफिकेट ‘एडल्ट’ छ ।