२०८२ फागुन १३ गते २०:२९ News Summary
Generated by OK AI. Editorially reviewed.- एपीएफ एफसीले १३ फागुनमा दशरथ रंगशालमा मनाङ मर्स्याङ्दी क्लबलाई २-० ले पराजित गर्दै राष्ट्रिय लिग फुटबलको शीर्षस्थानमा उक्लिएको छ।
- एपीएफले ७ खेलमा ६ जित र १ बराबरीबाट १९ अंक जोडेको छ भने मनाङ ८ खेलमा ४ हारसहित ८ अंकसहित नवौं स्थानमा छ।
- लालिगुराँस एसोसिएसनले कांक्रेविहार क्लबलाई ४-१ ले पराजित गरेको थियो र श्री भगवती क्लब र सातदोबाटो युथ क्लबले गोलरहित बराबरी खेलेका छन्।
१३ फागुन, काठमाडौं । विभागीय टोली एपीएफ एफसी राष्ट्रिय लिग फुटबलको शीर्षस्थानमा उक्लिएको छ ।
त्रिपुरेश्वरस्थित दशरथ रंगशालमा भएको बुधबार भएको खेलमा मनाङ मर्स्याङ्दी क्लबलाई २-० ले पराजित गर्दै एपीएफ एक दिनपछि नै शीर्षस्थानमा उक्लिएको हो ।
एपीएफले खेलको दुवै हाफमा गोल गरेको थियो । प्रदिप लामाले ४२औं मिनेटमा गोल गर्दै एपीएफलाई अग्रता दिलाएका थिए । दोस्रो हाफमा युवराज खड्काले ७१औं मिनेटमा गोल गरे ।
एपीएफले ७ खेल खेल्दा ६ जित र १ बराबरीबाट १९ अंक जोडेको छ । चौथो हार बेहोरेको मनाङ भने ८ खेलबाट ८ अंकसहित नवौं स्थानमै छ ।
बुधबारै बिहान भएको पहिलो खेलमा कास्कीको लालिगुराँस एसोसिएसनले सुर्खेतको कांक्रेविहार क्लबलाई ४-१ ले पराजित गरेको थियो । त्यस जितपछि लालिगुराँस एसोसिएसन शीर्ष स्थानमा उक्लेको थियो । तर त्यो अग्रता लामो समय रहेन ।
यस्तै बुधबार दिउँसो भएको खेलमा श्री भगवती क्लब र सातदोबाटो युथ क्लबले गोलरहित बराबरी खेल्दै अंक बाँडेका छन् ।
तस्वीरहरू : विकास श्रेष्ठ/अनलाइनखबर
प्रतिक्रिया 4