२०८२ चैत १८ गते ८:५२ 
News Summary
Generated by OK AI. Editorially reviewed.- मैत्रीपूर्ण फुटबल खेलमा अर्जेन्टिनाले जाम्बियालाई ५-० ले पराजित गरेको छ ।
- ब्राजिलले युरोपेली राष्ट्र क्रोएसियालाई ३-१ ले हराएको छ ।
१८ चैत, काठमाडौं । अन्तर्राष्ट्रिय मैत्रीपूर्ण खेलमा दुई ल्याटिन राष्ट्र अर्जेन्टिना र ब्राजिल विजयी भएका छन् ।
अर्जेन्टिनाले जाम्बियालाई ५-० ले पराजित गरेको हो । अर्जेन्टिनाका लागि कप्तान लिओनल मेसीसहित जुलियन अल्भारेज, निकोलस ओटामेन्डी र भ्यालेन्टिन बार्कोले एक-एक गोल गरे । जाम्बियाका डोमिनिक चान्डाले एक आत्मघाती गोल उपहार दिए ।
ला बोमबोनेरामा भएको यो खेल मेसीका लागि घरेलु मैदानमा फेयरवेल खेल जस्तै बन्यो । मेसीले विश्वकपपछि सन्यास लिने चर्चा चलिरहेको बेला घरेलु समर्थकहरुका बीच उनको यो अन्तिम खेल हुने सम्भावना छ ।
गत शुक्रबार मौरिटानिया विरुद्ध दोस्रो हाफमा मैदान प्रवेश गरेका मेसीले जाम्बियाविरुद्ध पहिलो रोजाइमै खेलेका थिए ।
यस्तै ब्राजिलले युरोपेली राष्ट्र क्रोएसियालाई ३-१ ले हरायो । डानिलो ओलिभिएरा, इगोर थियागो र गाब्रीएल मार्टिनेलीले गोल गरे । क्रोएसियाका लोभरो माजेरले एक गोल पर्काए ।
प्रतिक्रिया 4