२०८२ चैत १९ गते ११:३५ 
News Summary
Generated by OK AI. Editorially reviewed.- गल्फ स्टार टाइगर वूड्सले आगामी राइडर कपका लागि अमेरिकी टोलीको कप्तान बन्ने प्रस्ताव अस्वीकार गरेका छन् ।
- ५० वर्षीय वूड्सलाई फ्लोरिडामा गाडी दुर्घटनापछि मादक पदार्थ सेवन गरेर सवारी चलाएको आरोपमा पक्राउ गरिएको छ ।
- वूड्सले स्वास्थ्यमा ध्यान दिन र उपचारका लागि व्यावसायिक गल्फबाट केही समय टाढा रहने बताएका छन् ।
१९ चैत, काठमाडौं । गल्फ स्टार टाइगर वूड्सले आगामी राइडर कपका लागि अमेरिकी टोलीको कप्तान बन्ने प्रस्ताव अस्वीकार गरेका छन्।
५० वर्षीय वुड्स हालै फ्लोरिडामा भएको गाडी दुर्घटनापछि ‘मादक पदार्थ सेवन गरेर सवारी चलाएको’ आरोपमा पक्राउ परेका थिए। उनलाई सवारी दुर्घटना, सम्पत्ति क्षति र परीक्षण अस्वीकार गरेको आरोप पनि लागेको छ। उनले वकिलमार्फत दोषी नभएको निवेदन दिएका छन्।
दुर्घटनापछि वूड्सले स्वास्थ्यमा ध्यान दिन र उपचारका लागि व्यावसायिक गल्फबाट केही समय टाढा रहने बताएका छन्। अदालतले उनलाई उपचारका लागि विदेश जान अनुमति पनि दिएको छ।
पीजीए अफ अमेरिकाले वूड्सको निर्णयको सम्मान गर्दै उनको स्वास्थ्य सुधारको कामना गरेको छ। सन् २०२७ को राइडर कप आयरल्यान्डमा आयोजना हुनेछ। वूड्सले यसअघि अमेरिकाका लागि आठ पटक राइडर कप खेलेका छन्।
प्रहरीका अनुसार दुर्घटनापछि वूड्ससँग पीडानाशक औषधि (हाइड्रोकोडोन) फेला परेको थियो र उनी सामान्य अवस्थामा नरहेको देखिएको थियो।
यसअघि पनि गम्भीर दुर्घटना र शल्यक्रियाका कारण वूड्सले सीमित मात्र खेल खेल्दै आएका छन्। अहिले उनी गोप्य रूपमा विशेष उपचार कार्यक्रम लिन विदेश जाने तयारीमा छन्।
प्रतिक्रिया 4