२०८२ चैत १९ गते १५:१३ 
News Summary
Generated by OK AI. Editorially reviewed.- त्रिभुवन आर्मी क्लबले मधेश प्रदेशलाई ६ विकेटले पराजित गर्दै शीर्षस्थानमा उक्लिएको छ।
- आर्मीले मधेशले दिएको १८५ रनको लक्ष्य २९.२ ओभरमा ४ विकेटको क्षतिमा पूरा गर्यो ।
- आर्मीका लागि तृतराज दासले ७२ बलमा ६९ रन बनाए भने बसिर अहमदले ३ विकेट लिए ।
१९ चैत, काठमाडौं । तृतराज दासको अर्धशतक मद्दतमा त्रिभुवन आर्मी क्लबले मधेश प्रदेशलाई पराजित गर्दै शीर्षस्थानमा उक्लिएको छ । बिहीबार जनकपुरमा भएको खेलमा आर्मीले मधेशलाई ६ विकेटले पराजित गरेको हो ।
मधेशले दिएको १८५ रनको लक्ष्य आर्मीले २९.२ ओभरमा ४ विकेटको क्षतिमा पूरुा गर्यो । तृतराज दासले ७२ बलमा ७ चौका र ३ छक्कासहित ६९ रन बनाए । बसिर अहमदल ४१ रनमा अविजित रहे भने कप्तान विनोद भण्डारीले ३२ रन बनाए । भीम सार्कीले ८ रन बनाउँदा अर्जुन साउद १ रनमा अविजित रहे ।
मधेशका लागि मोहम्मद आदिल आलमले २ विकेट लिए भने पवन सर्राफ र विशाल सुस्लिङले १-१ विकेट लिए ।
त्यसअघि टस हारेर पहिले ब्याटिङको निम्तो पाएको मधेशले ४८.३ ओभरमा अलआउट हुँदै १८४ रन बनाएको थियो । विशाल सुस्लिङले ७३ बलमा ३ चौका र २ छक्कासहित ५१ रन बनाए । कप्तान अनिल साहले ४२ तथा पवन सर्राफले २२ रन बनाए ।
आर्मीका लागि बसिर अहमदले ३ विकेट लिए भने नरेन साउद र शाहब आलमले २-२ विकेट लिँदा आकाश चन्द, कुशल मल्ल र पवन कार्कीले १-१ विकेट लिए ।
प्रतियोगितामा एकमात्र अपराजित टिम आर्मी ५ खेलमा ४ जितसहित ९ अंक जोडेर शीर्षस्थानमा उक्लिएको छ ।
मधेशले भने पहिलो हार बेहोरेको हो । मधेश ५ खेलमा ७ अंकसहित तेस्रो स्थानमा झरेको छ ।
प्रतिक्रिया 4