राष्ट्रिय सभा उपाध्यक्षको निर्वाचन चैत २३ गते

News Summary

Generated by OK AI. Editorially reviewed.

राष्ट्रिय सभा उपाध्यक्ष पदको निर्वाचन चैत २३ गते तय गरिएको छ।
राष्ट्रिय सभा अध्यक्ष नारायणप्रसाद दाहालले संघीय संसद्का महासचिवलाई निर्वाचन सूचना प्रकाशन गर्न निर्देशन दिएका छन्।
राष्ट्रिय सभाका रिक्त विषयगत समितिका सभापतिहरूको निर्वाचन चैत २४ गते हुनेछ र अर्को बैठक चैत २२ गते बस्नेछ।

१९ चैत, काठमाडौं । राष्ट्रिय सभा उपाध्यक्ष पदको निर्वाचन चैत २३ गतेका लागि तय गरिएको छ । बिहीबारको राष्ट्रिय सभा अध्यक्ष नारायणप्रसाद दाहालले उपाध्यक्षको निर्वाचनका लागि मिति तोकेका हुन् ।

उनले राष्ट्रिय सभा नियमावली २०७५ को नियम ८ बमोजिम उपाध्यक्ष पदको निर्वाचन तय गरेको बताए । उनले संघीय संसद्का महासचिव पद्मप्रसाद पाण्डेयलाई निर्वाचन कार्यक्रमसम्बन्धी सूचना प्रकाशन गर्न निर्देशन पनि दिए ।

त्यस्तै राष्ट्रिय सभाका विषयगत समितिका रिक्त सभापतिहरूको निर्वाचनका लागि चैत २४ गते हुनेछ । रिक्त सभापतिहरूको निर्वाचनका लागि दाहालले राष्ट्रिय सभाका सचिव तुलबहादुर पाण्डेलाई निर्वाचन कार्यक्रमको सूचना प्रकाशित गर्न निर्देशन दिए ।

त्यस्तै राष्ट्रिय सभाको अर्को बैठक चैत २२ गते आइतबार बस्नेछ ।