२०८२ चैत २० गते १२:१४ 
२० चैत, काठमाडौं । वरिष्ठ सर्जिकल अंकोलोजिस्ट डा.प्रकाशराज न्यौपानेको निधन भएको छ । क्यान्सर रोगबाट पीडित डा.न्यौपानेको आज बिहान पाटल अस्पतालमा निधन भएको उपचारमा संलग्न मेडिकल अंकोलोजिस्ट डा. अरुण शाहीले जानकारी दिए ।
डा.शाहीका अनुसार ६४ वर्षीय डा. न्यौपाने विगत एक वर्षदेखि पित्त बग्ने नलीमा हुने एक प्रकारको क्यान्सर ‘कोलान्जिओ कार्सिनोमा’बाट पीडित थिए । करिब एक महिनादेखि उनी अस्पतालमा भर्ना भई उपचाररत थिए । उपचारकै क्रममा आज बिहान उनको निधन भएको हो ।
डा.न्यौपानेले पेट, कलेजो, प्यान्क्रियाज, थाइरोइड, स्तन, मिर्गौला र छालाको क्यान्सरको शल्यक्रियामा विशेषज्ञता हासिल गरेका थिए ।
उनले भक्तपुर क्यान्सर अस्पतालको पूर्वमेडिकल डाइरेक्टर र भतरपुरकै बीपी कोइराला मेमोरियल क्यान्सर अस्पतालको पूर्वअध्यक्ष जिम्मेवारी निर्वाह गरिसकेका थिए ।
पछिल्लो समय ग्वार्काेस्थित बीएण्डबी अस्पताल, भक्तपुरस्थित काठमाडौं क्यान्सर सेन्टर र नेपाल अर्वुद रोग निवारण संस्था लगायतमा आवद्ध थिए ।
प्रतिक्रिया 4