News Summary
Generated by OK AI. Editorially reviewed.- नेपाल मोबाइल ब्यवसायी महासंघको तेस्रो केन्द्रीय महाधिवेशन तथा पाँचौँ साधारणसभा १ र २ जेठमा काठमाडौंमा हुने भएको छ।
- महाधिवेशनमा देशभरिबाट १ हजार ५ सय जना प्रतिनिधि सहभागी हुने महासंघका अध्यक्ष भरत भट्टराईले बताए।
- महाधिवेशनबाट ५५ सदस्यीय केन्द्रीय कार्यसमिति चयन गरिनेछ र उद्घाटन २ जेठ बिहान ९ बजे राष्ट्रिय सभागृहमा हुनेछ।
३१ वैशाख, काठमाडौं । नेपाल मोबाइल ब्यवसायी महासंघको तेस्रो केन्द्रीय महाधिवेशन तथा पाँचौँ साधारणसभा १ र २ जेठमा काठमाडौंमा हुने भएको छ।
बिहीबार काठमाडौँमा आयोजित पत्रकार सम्मेलनमार्फत महासंघले महाधिवेशनबारे जानकारी दिएको हो । महाधिवेशनमार्फत आगामी कार्यकालका लागि नयाँ नेतृत्व चयन हुनेछ ।
महासंघका अध्यक्ष भरत भट्टराईले महाधिवेशनमा सहभागी हुन देशभरिबाट १ हजार ५ सय जना प्रतिनिधि काठमाडौं आउने क्रममा रहेको जानकारी दिए ।
राष्ट्रिय सभा गृहमा हुने महाधिवेशनमार्फत आगामी नयाँ नेतृत्व चयन हुने भट्टराईले बताए।
महासंघका महासचिव सन्तोष घिमिरेले महासंघको देशका ७ प्रदेश र ७० जिल्लामा शाखा विस्तार भइसकेको बताए।
घिमिरेका अनुसार देशभर महासंघमा आबद्ध २७ हजार ४०० साधारण सदस्य छन्।
महाधिवेशनबाट कुल ५५ सदस्यीय केन्द्रीय कार्यसमिति चयन हुनेछ । पदाधिकारीकारी तर्फ विधान अनुसार अध्यक्ष, निवर्तमान अध्यक्ष १, वरिष्ठ उपाध्यक्ष १ , ७ उपाध्यक्ष (खुला), महासचिव १, कोषाध्यक्ष १, सचीव ४ मध्ये ३ खुला र १ महिला र सहकोषाध्यक्ष १ निर्वाचित हुने ब्यवस्था छ।
यसैगरी केन्द्रीय सदस्य प्रत्येक प्रदेशबाट २ को दरले कुल १४ जना, संस्थापक संस्था १४ वटाको तर्फबाट १/१ गरि कुल १४ जना, बागमती प्रदेशबाट थप ५ जना, अध्यक्ष द्वारा मनोनीत ५ जना (समावेशीताका आधारमा) कार्यसमितिमा रहने ब्यवस्था छ।
महाधिवेशन काठमाडौंको राष्ट्रिय सभागृह, प्रदर्शनीमार्गमा २ जेठ बिहान ९ बजे उद्घाटन हुनेछ ।
यस्तै त्यसअघि नै अघिल्लो दिन १ जेठमा ह्वाइट पार्टी प्यालेश कौशलटारमा बन्दसत्र बिहान ९ बजेदेखि सुरु हुनेछ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4