कानून व्यवसायीले गरे दिउँसै लालटिन बालेर प्रदर्शन (तस्वीरहरू)

News Summary

Generated by OK AI. Editorially reviewed.

कानून व्यवसायीहरूले सर्वोच्च अदालतमा विकसित घटनाक्रमप्रति विरोध स्वरूप लालटिन बालेर प्रदर्शन गरेका छन्।
नेपाल बार एसोसिएसनले अदालतमा रिट निवेदन दर्ता हुन नसक्ने अवस्थाको विरोधमा दिउँसो १ बजे लालटिन बाल्ने निर्णय गरेको थियो।
नेपाल बारको कार्यालय प्राङ्गणमा मंगलबार दिउँसो १ बजे सत्य र न्यायको खोजीका लागि लालटिन बालिएको हो।

५ जेठ, काठमाडौं । कानून व्यवसायीहरूले लालटिन बालेर प्रदर्शन गरेका छन् ।

सर्वोच्च अदालतमा विकसित घटनाक्रमप्रति सांकेतिक विरोध गर्दै नेपाल बार एसोसिएसनको नेतृत्वमा सर्वोच्च परिसरमा प्रदर्शन भएको हो ।

एसोसिएसनको सोमबारको बैठकले अदालतमा रिट निवेदन दर्ता नै हुन नसक्ने परिस्थिति निर्माण भएको भन्दै त्यसको विरोधमा दिउँसै लालटिन बालेर प्रदर्शन गर्ने निर्णय गरेको थियो ।

सत्य र न्यायको खोजीका लागि मंगलबार दिउँसो १ बजे नेपाल बारको कार्यालय प्राङ्गणमा लालटिन बालेको हो ।

प्रधानन्यायधीश सिफारिसको विषयमा नेपाल बारले असन्तुष्ट व्यक्त गर्दै आएको छ । वरिष्ठतम मिचेर चौथो वरीयताको न्यायाधीशलाई प्रधान्यायाधीशमा सिफारिस गरिएको भन्दै नेपाल बारले विरोध गरिरहेको छ ।

वरिष्ठतम न्यायाधीश सपना मल्ल प्रधानलाई प्रधानन्यायाधीशमा सिफारिस गर्नुपर्ने बारको माग थियो । तर संवैधानिक परिषद्ले चौथो वरीयतामा रहेका न्यायाधीश मनोज शर्माको नाम सिफारिस गरेको छ । संसदीय सुनुवाइ समितिमा सुनुवाइसमेत सुरु भइसकेको छ ।