News Summary
Generated by OK AI. Editorially reviewed.- दोलखाको गौरीशंकर गाउँपालिका-९ मा सिप्रिङ खोलामा आएको बाढीले ७३ वर्षीय चसमान तामाङलाई बगाउँदा उनी बेपत्ता भएका छन्।
- बाढीका कारण सिप्रिङ खोला जलविद्युत् केन्द्रका चार कर्मचारी भीरमा अड्किएका छन् भने घटनास्थलमा प्रहरी उद्धारका लागि जाँदै गरेको छ।
- वडाध्यक्ष ङिमगेली शेर्पाका अनुसार बाढीले जलविद्युत् केन्द्रको ड्याम साइटमा क्षति पुर्याउनुका साथै खोलाका दुवै किनारमा कटान गरेको छ।
६ साउन, काभ्रेपलाञ्चोक । दोलखाको गौरीशंकर गाउँपालिका ९ मा आएको बाढीले बगाउँदा एक वृद्ध बेपत्ता भएका छन् भने चार जना जोखिमपूर्ण स्थानमा रहेका छन् ।
मंगलबार राति गौरीशंकर गाउँपालिका-९ स्थित सिप्रिङ खोलामा आएको बाढीले स्थानीय करिब ७३ वर्षीय तसमान तामाङलाई बगाएको हो । गौरीशंकर गाउँपालिका वडा नं ९ का अध्यक्ष ङिमगेली शेर्पाले दिएको जानकारी अनुसार तसमानलाई गाई-बाख्राको गोठसहित बगाएको छ ।
उनका अनुसार अन्य चार जना जोखिमपूर्ण स्थानमा छन् । त्यस्तै बाढीका कारण सिप्रिङ खोला जलविद्युत केन्द्र (सिनर्जी हाइड्रोपावर) मा कार्यरत कर्मचारीहरु सुकदेव श्रेष्ठ, सूर्यबहादुर तामाङ, कल्याण विक र विनोद श्रेष्ठ भीरको खुड्किलोमा अड्किएका र त्यस ठाउँ पनि असुरक्षित रहेको वडाध्यक्ष शेर्पाले जानकारी दिए । खोलामा अहिले पनि लगातार बाढी आइरहेका कारण उनीहरुको उद्धार कठिन भएको छ ।
जिल्ला प्रहरी कार्यालय दोलखाका प्रमुख डीएसपी मनोज लामाले घटनास्थलमा प्रहरी पुग्दै गरेको जानकारी दिए । ‘अहिले प्रहरीहरू सिंगटी र रोल्वालिङबाट घटनास्थल गइरहेका छन्,’ उनले भने ।
डीएसपी लामाका अनुसार दुर्गम भएको र पैदलै प्रहरी पुग्नुपर्ने भएकाले घटनास्थल पुग्न केही समय लाग्नेछ । प्रहरी घटनास्थलमा पुगेपछिमात्र थप जानकारी दिन सक्ने उनले बताए ।
बाढीले सिप्रिङ खोला जलविद्युत केन्द्रको ड्याम साइडमासमेत क्षति गरेको र खोलाले दुवैतर्फको जमिन कटान गरेको स्थानीयको भनाइ छ ।
तस्वीरहरू : वडाध्यक्ष ङिमगेली शेर्पा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4