News Summary
Generated by OK AI. Editorially reviewed.- कोशी प्रदेशमा सत्ता सहकार्यका लागि नेकपा एमाले र नेकपाबीच मन्त्रालयको भागबण्डामा सहमति जुट्न सकेको छैन।
- नेकपा संसदीय दलका नेता इन्द्रबहादुर आङ्बोले आफ्नो दलका लागि चार मन्त्रालय माग गरिएको जानकारी दिनुभयो।
- एमाले कोशी प्रदेश इन्चार्ज शेरधन राईले भने ६–३ को अनुपातमा तीनवटा मन्त्रालय मात्रै दिन सकिने अडान राख्नुभएको छ।
२५ साउन, विराटनगर । सत्ता सहकार्य गर्ने सहमति गरेको नेकपा एमाले र नेकपाले कोशी प्रदेशमा भागबन्डामा समस्या देखिएको छ ।
हाल कोशीमा ९ वटा मन्त्रालय छन् । जसमध्ये नेकपाले ४ वटा मन्त्रालय दाबी गरेको हो। तर, नेकपा एमाले भने ३ वटा मन्त्रालय मात्रै दिने अडानमा छ ।
नेपाली कम्युनिस्ट पार्टी (नेकपा) संसदीय दलका नेता इन्द्रबहादुर आङ्बोले एमालेसँग सत्ता सहकार्यका लागि ४ वटा मन्त्रालय माग गरिएको जानकारी दिए ।
‘हामीले ४ वटा मन्त्रालय भनेका छौं, उहाँहरूको कुरा मिडियामा सुनेको हो,’ उनले भने, ‘औपचारिक छलफल अघि बढेको छैन ।’
वर्तमान सरकारमा कांग्रेसका ४ जना मन्त्री र एक जना राज्यमन्त्री छन् । नेकपाले आफ्नो दलले सोही संख्या पाउनुपर्ने दाबी गर्दै आएको छ ।
आङ्बोले सोमबारको छलफलमा छलफलमा पार्टीको तर्फबाट अडान राख्ने बताए । आज हुने छलफलमा सरकारको न्यूनतम साझा कार्यक्रम, बजेटको पुनरावलोकन लगायत विषयमा छलफल गर्ने उनले बताए ।
नेकपा एमालेका सचिव एवम् कोशी प्रदेश इन्चार्ज शेरधन राईले भने ३ वटा मन्त्रालय दिन सकिने बताउँछन् ।
आइतबार सञ्चारकर्मीसँगको कुराकानीका क्रममा उनले ६–३ को अनुपातमा सत्ता साझेदारी गर्ने बताएका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4