२०८३ भदौ ५ गते २०:३९ 
News Summary
Generated by OK AI. Editorially reviewed.- पोखरा एभेन्जर्सले एनपीएल तेस्रो सिजनका लागि नेपोभिट टायल्ससँग हेलमेट पार्टनर सम्झाैता गरेको छ।
- पोखरा एभेन्जर्सले मेडिकल पार्टनर माईक्रोलाईफ र लेगल पार्टनर सिनर्जी ल एण्ड च्याम्बर्ससँग पनि शुक्रबार सम्झाैता गरेको छ।
- अध्यक्ष सुबोध त्रिपाठीले तीन साझेदारसँग सम्झाैता भएपछि एनपीएल सिजन तीनको तयारी शुरू भएको बताए।
५ भदौ, काठमाडौं । नेपाल प्रिमियर लिग (एनपीएल) को तेस्रो सिजनको लागि पोखरा एभेन्जर्स र नेपोभिट टायल्सबीच सम्झाैता भएको छ ।
शुक्रबार आयोजित एक कार्यक्रमकाबीच पोखरा एभेन्जर्स र नेपाल सेरामिक इण्डस्ट्रीको उत्पादन नेपोभिट टायल्सबीच सम्झाैतामा हस्ताक्षर भएको हो ।
पोखरा एभेन्जर्सका अध्यक्ष सुबोध त्रिपाठी र नेपोभिट टायल्सका अध्यक्ष सम्भुनाथ शाहले सम्झाैता पत्रमा हस्ताक्षर गर्दै पत्र आदानप्रदान गरे ।
यस्तै पोखरा एभेन्जर्सले शुक्रबारै मेडिकल पार्टनरको रुपमा माईक्रोलाईफसँग सम्झाैता गरेको छ । उक्त सम्झाैतामा पोखरा एभेन्जर्सका अध्यक्ष त्रिपाठी र माईक्रोलाईफका सिईओ विनित तुल्सीयनले हस्ताक्षर गरे ।
यसैगरी पोखरा एभेन्जर्सले लेगल पार्टनरको रुपमा सिनर्जी ल एण्ड च्याम्बर्ससँग हस्ताक्षर गरेको छ । उक्त सम्झाैतामा पोखरा एभेन्जर्सका अध्यक्ष त्रिपाठी र सिनर्जी ल को तर्फबाट सहदेव खत्रीले हस्ताक्षर गरे ।
पोखरा एभेन्जर्सका अध्यक्ष सुबोध त्रिपाठीले तीन साझेदारसँग एकैपटक सम्झाैता भएपछि एनपीएलको सिजन तीनको लागि तयारी सुरु भएको बताए । उनले नेपोभिट टायल्स हेलमेट पार्टनर रहेको र नेपालकै पहिलो टायल्स कम्पनीलाई शिरमा राखेर खेलाडीहरुले खेल्ने बताए ।
साथै मेडिकल पार्टनरको रुपमा रहेको माईक्रोलाईफले सम्पूर्ण मेडिकल सपोर्टदेखि फिजियोथेरापी लगायत सेवाहरु प्रदान गर्ने जानकारी दिए । उनले आगाी दिनमा अन्य साझेदारहरुसँग पनि सहकार्य गर्दै जाने बताए ।
नेपोभिट टायल्सका अध्यक्ष सम्भुनाथ शाहले पछिल्लो समय नेपाली क्रिकेट टिमले टी२० विश्वकप खेलिसकेको र नेपाली क्रिकेटमा सबैको चासो बढेको बताए ।
उनले यसअघि जनकपुर बोल्ट्ससँग सहकार्य गरेको र यसपटक पोखरा एभेन्जर्ससँग सहकार्य गर्न पाउँदा खुशी लागेको बताए ।
प्रतिक्रिया 4