२०८३ भदौ ७ गते ७:४२ 
News Summary
Generated by OK AI. Editorially reviewed.- प्रिमियर लिगको पहिलो खेलमा टोटनहम हट्सपर ब्रेन्टफोर्डसँग ३–० ले पराजित भएको छ ।
- किने लुइस–पोटरले १२औं मिनेटमा, भिटाली जानेल्टले ३३औं मिनेटमा र माइकल कायोडेले दोस्रो हाफमा ब्रेन्टफोर्डका लागि गोल गरे ।
- टोटनहमले यस समरमा करिब २३७ मिलियन पाउन्ड खर्च गरे पनि पहिलो हाफभर लक्ष्यतर्फ एकपटक पनि प्रहार गर्न सकेन ।
७ भदौ, काठमाडौं । नयाँ सिजनअघि ठूलो लगानी गरेको टोटनहम हट्सपरले प्रिमियर लिगको पहिलो खेलमै निराशाजनक हार बेहोरेको छ । रोबर्टो डी जेर्बीको टोली ब्रेन्टफोर्डसँग ३–० ले पराजित भएको हो ।
जीटेक कम्युनिटी स्टेडियममा घरेलु टोलीले सुरुदेखि नै खेल नियन्त्रणमा राख्यो । किने लुइस–पोटरले १२औं मिनेटमा गोल गर्दै ब्रेन्टफोर्डलाई अग्रता दिलाए भने भिटाली जानेल्टले ३३औं मिनेटमा दोस्रो गोल थपे । दोस्रो हाफमा माइकल कायोडेले गोल गर्दै ब्रेन्टफोर्डको सहज जित सुनिश्चित गरे ।
टोटनहमले यस समरमा करिब २३७ मिलियन पाउन्ड खर्च गर्दै सान्द्रो टोनाली, एन्डी रोबर्टसन, मार्कोस सेनेसी र जान पाउल भान हेकेलाई भित्र्याएको थियो । तर महँगा खेलाडीहरू मैदानमा उत्रिए पनि पहिलो हाफभर टोटनहमले लक्ष्यतर्फ एकपटक पनि प्रहार गर्न सकेन ।
घाइते मिकी भान डे भेनको अनुपस्थितिमा २० वर्षीय आर्ची ग्रेले कप्तानी सम्हालेका थिए । तर कमजोर रक्षापङ्क्ति र लगातार गल्तीका कारण टोटनहम पहिलो खेलमै दबाबमा परेको छ ।
गएराति भएका अन्य खेलमा एभर्टनले क्रिस्टल प्यालेसलाई २-० ले पराजित गर्यो । लिड्स युनाइटेडले नटिङहम फरेस्टलाई १–० ले हराउँदा इप्सविच टाउनले सन्डरल्यान्डमाथि २–१ को जित निकाल्यो ।
प्रतिक्रिया 4