२०८३ भदौ ६ गते २२:२९ 
News Summary
Generated by OK AI. Editorially reviewed.- किंग्स टी–१० इन्डोर टुर्नामेन्ट सिजन–२ मा याङ्री बोईज, रोयल स्पोर्ट्स पार्क ब्लु, बाकयार्ड बि र पाङोलिन ट्राभल्स सेमिफाइनलमा पुगेका छन् ।
- पहिलो क्वार्टरफाइनलमा पाङोलिन ट्राभल्सले बाकयार्ड एलाई १७ रनले र दोस्रोमा याङ्री बोईजले द क्यानन क्लबलाई ३५ रनले हराए ।
- तेस्रो क्वार्टरफाइनलमा बाकयार्ड बिले मिक्समाण्डुलाई ३२ रनले र चौथोमा रोयल स्पोर्ट्स पार्क ब्लुले टिम एन्टि बायोटिक्सलाई २६ रनले पराजित गर्यो ।
६ भदौ, काठमाडौं । किंग्स क्रिकेट एकेडेमी, रोयल स्पोर्ट्स पार्क र त्रिकल्प इभेन्ट्सको संयुक्त आयोजनामा भइरहेको किंग्स टी–१० इन्डोर टुर्नामेन्ट सिजन–२ को सेमिफाइनल समीकरण पूरा भएको छ। याङ्री बोईज, रोयल स्पोर्ट्स पार्क ब्लु, बाकयार्ड बि र पाङोलिन ट्राभल्स अन्तिम चारमा प्रवेश गरेका छन् ।
रोयल स्पोर्ट्स पार्कमा भएको पहिलो क्वार्टरफाइनलमा पाङोलिन ट्राभल्सले बाकयार्ड एलाई १७ रनले हरायो । पाङोलिनले ५ विकेटमा ९७ रन बनाउँदा रविले ३७ र सुमितले २८ रन जोडे। लक्ष्य पछ्याएको बाकयार्ड ए १० ओभरमा ५ विकेट गुमाएर ८० रनमै रोकियो ।
दोस्रो क्वार्टरफाइनलमा याङ्री बोईजले द क्यानन क्लबलाई ३५ रनले पराजित गर्यो। याङ्रीले ५ विकेटमा ७२ रन बनाउँदा कृशले ३९ रनको योगदान दिए । जवाफमा द क्यानन क्लब ७ विकेट गुमाउँदै ३७ रनमै समेटियो ।
तेस्रो क्वार्टरफाइनलमा बाकयार्ड बिले मिक्समाण्डुलाई ३२ रनले हरायो । बाकयार्ड बिले ६ विकेटमा ८७ रन बनाउँदा सक्षमले अविजित ६९ रनको उत्कृष्ट इनिङ्स खेले। मिक्समाण्डु भने ७ विकेट गुमाएर ५६ रनमै सीमित रह्यो ।
चौथो क्वार्टरफाइनलमा रोयल स्पोर्ट्स पार्क ब्लुले टिम एन्टि बायोटिक्सलाई २६ रनले पराजित गर्दै सेमिफाइनल यात्रा तय गर्यो । रोयलले ६२ रन बनाएको खेलमा एन्टि बायोटिक्स ३७ रनमै अलआउट भयो ।
प्रतियोगिताको सेमिफाइनल र फाइनल खेल भदौ ८ गते सोमबार रोयल स्पोर्ट्स पार्कमा हुनेछ ।
प्रतिक्रिया 4