News Summary
Generated by OK AI. Editorially reviewed.- मकवानपुरको भीमफेदी गाउँपालिका–८ महादेवटारस्थित काठमाडौं–तराई/मधेश द्रुतमार्गमा लोडरको पछाडिको चक्काले ठक्कर दिँदा चिनियाँ नागरिक ५१ वर्षीय गुओ फाङशुनको मृत्यु भएको छ।
- जिल्ला प्रहरी कार्यालय मकवानपुरका अनुसार चाइना रेलवे नम्बर–२ इन्जिनियरिङ ग्रुप कम्पनी लिमिटेडका सुपरभाइजर गुओलाई कञ्चनपुरका ४८ वर्षीय गौरसिंह साउदले चलाएको लोडरले ठक्कर दिएको थियो।
- प्रहरीले घटनास्थलको मुचुल्का तयार गरी शव त्रिभुवन विश्वविद्यालय शिक्षण अस्पताल महाराजगञ्जको शवगृहमा राखेको छ र थप अनुसन्धान भइरहेको जनाएको छ।
७ भदौ, हेटौंडा । मकवानपुरमा निर्माणाधीन काठमाडौं–तराई/मधेश द्रुतमार्ग (फाष्ट ट्रयाक) मा लोडरको ठक्करबाट एक चिनियाँ नागरिकको मृत्यु भएको छ ।
मकवानपुरको भीमफेदी गाउँपालिका–८ महादेवटारस्थित द्रुतमार्गमा आइतबार दिउँसो करिब २ बजे दुर्घटना भएको हो ।
दुर्घटनामा चाइना रेलवे नम्बर–२ इन्जिनियरिङ ग्रुप कम्पनी लिमिटेडको तर्फबाट सुपरभाइजरका रूपमा कार्यरत चिनियाँ नागरिक ५१ वर्षीय गुओ फाङशुनको मृत्यु भएको जिल्ला प्रहरी कार्यालय मकवानपुरले जानकारी दिएको छ ।
प्रहरी नायब उपरीक्षक माधव काफ्लेकाअनुसार काम गर्ने क्रममा कञ्चनपुरको शुक्लाफाँटा नगरपालिका–१ घर भएका ४८ वर्षीय गौरसिंह साउदले चलाएको लोडरको पछाडिको चक्काले गुओलाई ठक्कर दिएको थियो । गम्भीर घाइते भएका उनको घटनास्थलमै मृत्यु भएको हो ।
गुओ सन् २०२६ फेब्रुअरी १५ देखि उक्त कम्पनीमा सुपरभाइजरका रूपमा कार्यरत रहेको प्रहरीले जनाएको छ । घटनापछि प्रहरीले घटनास्थलको मुचुल्कालगायतका प्रारम्भिक कानुनी प्रक्रिया पूरा गरी शव परीक्षणका लागि काठमाडौंस्थित त्रिभुवन विश्वविद्यालय शिक्षण अस्पताल महाराजगञ्जको शवगृहमा राखेको छ । घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4