२०८३ भदौ ८ गते १९:५६ 
News Summary
Generated by OK AI. Editorially reviewed.- जेम्स स्कुल धापाखेलको आयोजनामा भएको दुईदिने थन्डरबोल्ट्स कप पौडी प्रतियोगिता ८१ विद्यालयका ३४५ खेलाडीको सहभागितामा सम्पन्न भएको छ।
- प्रतियोगितामा १० उमेर समूहअन्तर्गत ७९ इभेन्ट्समा प्रतिस्पर्धा भएको थियो।
- यू–१८ पुरुषतर्फ जेम्स स्कुलका कल्किन श्रेष्ठ र महिलातर्फ द ब्रिटिस स्कुलकी रोयल प्रजापति उत्कृष्ट खेलाडी घोषित भए।
८ भदौ, काठमाडौं । जेम्स स्कुल धापाखेलको आयोजनामा भएको दुईदिने थन्डरबोल्ट्स कप पौडी प्रतियोगिता सम्पन्न भएको छ । प्रतियोगितामा ८१ विद्यालयका ३४५ खेलाडी सहभागी हुँदै १० उमेर समूहअन्तर्गत ७९ इभेन्ट्समा प्रतिस्पर्धा गरेका थिए ।
यू–१८ पुरुषतर्फ जेम्स स्कुलका कल्किन श्रेष्ठ र महिलातर्फ द ब्रिटिस स्कुलकी रोयल प्रजापति उत्कृष्ट खेलाडी घोषित भए । यू–१४ पुरुषमा जेम्सका मायोन श्रेष्ठ तथा महिलामा सेन्ट मेरीज सेकेन्डरी स्कुलकी देभान्सी जोशी उत्कृष्ट बने ।
यू–१२ पुरुषतर्फ निसर्ग वाटिका स्कुलका साहश शाक्य र महिलातर्फ प्राइम इन्टरनेशनल आईबी स्कुलकी इभाना श्रेष्ठ उत्कृष्ट घोषित भए। यू–१० मा जेम्सका चिराग महर्जन र युरो स्कुलकी बेट्टी श्रेष्ठ उत्कृष्ट खेलाडी बने ।
यस्तै, यू–८ ब्वाइजतर्फ बृहस्पति विद्या सदनका केवत सिंह र कौतिक शर्मा संयुक्त उत्कृष्ट घोषित हुँदा गर्ल्सतर्फ युनिग्लोब सेकेन्डरी स्कुलकी भीदी गोयल उत्कृष्ट खेलाडी बनिन् ।
प्रतिक्रिया 4