News Summary
Generated by OK AI. Editorially reviewed.- बारा बिश्रामपुर गाउँपालिका–३ का ११ वर्षीय राजेशकुमार साहको भारतको बिहार सिंहदा नदी किनारमा मृत भेटिएको घटनामा हत्या भएको खुलेको छ।
- प्रहरीका अनुसार उनलाई ९ भदौमा अपहरण गरेर बिहार लगेर हत्या गरिएको थियो।
- हत्या आरोपमा १७ वर्षीय किशोर पक्राउ परेका छन् र बारा अदालतबाट ५ दिनको म्याद लिएर अनुसन्धान शुरू गरिएको छ।
१७ भदौ, काठमाडौं । भारत बिहारको सिंहा नदीमा मृत भेटिएका बाराको बिश्रामपुर गाउँपालिका–३ मुसहर्वाका ११ वर्षीय बालक राजेशकुमार साहको हत्या भएको खुलासा भएको छ ।
९ भदौको बिहान ९ बजेतिर हराएको भन्दै परिवारले प्रहरी चौकी मुसहर्वामा निवेदन दिएका थिए । खोजीको क्रममा ती बालकको २ दिनपछि ११ भदौमा भारतको बिहार मोतिहारी जिल्ला नुनियाडी पञ्चायत–१ सिंहदा नदीको किनारमा मृत भेटिएका थिए ।
घटना शंकास्पद देखिएपछि प्रहरीले अनुसन्धान अघि बढाएको थियो । सो क्रममा ती बालकको हत्या गरिएको खुलेको हो । सीसीटीभी फुटेज र भारतीय प्रहरी समेतको समन्वयमा भएको अनुसन्धानको क्रममा ती बालकलाई बिश्रामपुरबाट अपहरण गरी बिहार लगेर हत्या गरिएको खुलेको हो ।
थाहा नपाउन् भन्ने हिसाबले ती बालकको सीमापार गरेर हत्या गरिएको प्रहरीको भनाइ छ ।
हत्या आरोपमा १७ वर्षीय एक किशोरलाई पक्राउ गरिएको बारा प्रहरीका प्रवक्ता मिन घलेले बताए ।
पक्राउ परेका किशोरविरुद्ध अपहरण र कर्तव्य ज्यानको कसुरमा बारा अदालतबाट ५ दिनको म्याद लिएर अनुसन्धान सुरु गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4