२०८३ असोज ४ गते १०:४० 
News Summary
Generated by OK AI. Editorially reviewed.- चमारी अथापथुको अविजित ८३ रनमा श्रीलंकाले पाकिस्तानलाई ८ विकेटले हराउँदै एसियन गेम्स महिला क्रिकेटको फाइनलमा स्थान बनायो।
- पाकिस्तानले आयशा जफरको ७१ रन र सवाल जुल्फिकरको ५४ रनमा १७७ रन बनाएको थियो।
- श्रीलंकाले अब स्वर्ण पदकका लागि भारत र बंगलादेशबीचको विजेतासँग खेल्नेछ।
४ असोज, काठमाडौं । कप्तान चमारी अथापथुले शानदार ब्याटिङ गरेपछि श्रीलंकाले एसियन गेम्सको महिला क्रिकेटको फाइनलमा स्थान बनाएको छ ।
आइतबार बिहान भएको पहिलो सेमिफाइनलमा श्रीलंकाले पाकिस्तानलाई ८ विकेटले पराजित गर्दै स्वर्ण पदक भिडन्त पक्का गरेको हो ।
पाकिस्तानले दिएको १७८ रनको बलियो लक्ष्य श्रीलंकाले १३ बल बाँकी छँदै २ विकेट मात्र गुमाएर भेटायो । चमारीले ५० बलमा ७ चौका र ६ छक्का मद्दतमा अविजित ८३ रन बनाइन् । हसिनी परेराले ४२ रन बनाइन् ।
पाकिस्तानका फतिमा सना र नसरा सन्धुले १-१ विकेट लिए ।
त्यसअघि टस हारेर पहिले ब्याटिङ गरेको पाकिस्तानले २० ओभरमा ४ विकेट गुमाएर १७७ रन बनाएको थियो । आयशा जफरले ७१ तथा सवाल जुल्फिकरले ५४ रन बनाए ऽ
श्रीलंकाका लागि कप्तान चमारीसँगै सुगन्धिका कुमारी र काव्या कविनदीले १-१ विकेट लिए ।
श्रीलंकाले अब स्वर्ण पदकका लागि भारत र बंगलादेशबीचको विजेतासँग खेल्नेछ ।
प्रतिक्रिया 4