News Summary
Generated by OK AI. Editorially reviewed.- केपी शर्मा ओलीले जेनजी आन्दोलनपछि नेपालमा बाह्य चासो र चलखेल बढेको आरोप लगाउँदै त्यसको उल्लेख पार्टीको केन्द्रीय कमिटी बैठकमा प्रस्तुत प्रतिवेदनमा गरेका छन् ।
- उनले निजी सम्पतिमा देशव्यापी आगजनी र लुटपाटलाई क्रान्ति वा परिवर्तन मान्न नसकिने भन्दै सत्ता परिवर्तनका लागि बाह्य रूपमा प्रायोजित रणनीतिको छाप देखिएको लेखेका छन् ।
- ओलीले नेपालका मूल्यवान खनिज सम्पदाबारे आएका संवेदनशील सूचना र समाचारले आम नेपालीलाई सशङ्कित बनाएको पनि उल्लेख गरेका छन् ।
५ असोज, काठमाडौं । नेकपा एमालेका अध्यक्ष केपी शर्मा ओलीेले जेनजी आन्दोलनपछि नेपालमा बाह्य चासो र चलखेल बढ्दै गएको आरोप लगाएका छन् ।
सोमबारबाट सुरु भएको पार्टीको केन्द्रीय कमिटी बैठकमा उनले प्रस्तुत गरेको राजनीतिक प्रतिवेदनमा यस्तो उल्लेख गरिएको छ ।
जेनजी आन्दोलनको क्रममा निजी सम्पतिमा समेत देशव्यापी रुपमा आगजनी गर्ने एवम् लुटपाट गर्ने कार्यलाई क्रान्ति या परिवर्तन मान्न नसकिने ओलीको भनाइ छ ।
‘यी घटनाहरूमा सत्ता परिवर्तनको उद्देश्यले बाह्य रुपमा प्रायोजित रणनीतिको स्पष्ट छाप देखिन्छ,’ ओलीले आफ्नो प्रतिवेदनमा लेखेका छन्, ‘हालै विभिन्न विदेशी सञ्चार माध्यममा आएका नयाँ तथ्यहरूले नेपालको आन्तरिक राजनीतिमा भूराजनीतिक स्वार्थहरू कसरी प्रकट भएका थिए भन्ने तथ्यलाई पुष्टि गर्दै लगेका छन् ।’
साथै, नेपालको भूमिबाट छिमेकीहरूका संवेदनशीलतामाथि आँच पुर्याउने काम सरकारकै संरक्षणमा भइरहेको आरोप पनि उनले लगाएका छन् ।
‘त्यस घटना यता नेपालमा बाह्य चासो र चलखेल बढ्दै गएको छ । नेपालको भूमिबाट छिमेकीहरूका संवेदनशीलतामाथि आँच पुरÞ्याउने काम सरकारकै संरक्षणमा भइरहेका छन्,’ ओलीले आफ्नो प्रतिवेदनमा लेखेका छन् ।
साथै, उनले नेपालका मूल्यवान खनिज सम्पदाका बारेमा पछिल्लो समय आइरहेका संवेदनशील सूचना र समाचारले आम नेपालीलाई सशङ्कित बनाएको पनि उल्लेख गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4