News Summary
Generated by OK AI. Editorially reviewed.- लगातारको वर्षापछि महाकाली नदीको बहाव घटेसँगै कञ्चनपुरको गड्डाचौकी नाका भएर नेपाल–भारत आवागमन आजदेखि सहज भएको छ।
- महाकालीमा पानीको बहाव एक लाख क्यसेक नाघेपछि दुई दिनदेखि शारदा ब्यारेजको बनवासा पुलमा चार पाङ्ग्रे सवारीसाधन रोकेका थिए।
- प्रहरीका अनुसार आज बिहान बहाव ९८ हजार क्यसेक मापन भएपछि बनवासा पुल पूर्ण रूपमा सञ्चालन भएको छ।
- महाकाली बहुउद्देश्यीय यातायात कम्पनीका अध्यक्ष नविन भट्टले महेन्द्रनगरबाट काठमाडौँ, पोखरा लगायत स्थानका लागि यातायात सेवा आजदेखि सुरु भएको बताए।
- भट्टका अनुसार वर्षाका कारण काठमाडौँका यात्रुवाहक बस चार दिन र सुदूरपश्चिमका पहाडी जिल्लामा तीन दिनदेखि यातायात बन्द थियो।
१२ असोज, महेन्द्रनगर । कञ्चनपुरको पश्चिमी गड्डाचौकी नाका भएर नेपाल–भारत आवागमन आजदेखि सहज भएको छ ।
लगातारको वर्षाका कारण महाकाली नदीमा पानीको बहाव एक लाख क्यसेक पार गरेपछि दुई दिनदेखि शारदा ब्यारेज (बनवासा पुल) मा चार पाङ्ग्रे सवारीसाधन आवागमनमा रोक लगाएको थियो ।
जिल्ला प्रहरी कार्यालय कञ्चनपुरका प्रवक्ता एवं प्रहरी नायब उपरीक्षक टेकबहादुर रावतले आज बिहान महाकाली नदीमा पानीको बहाव घटेसँगै बनवासा पुल पूर्ण रूपमा सञ्चालन भएको जानजकारी दिए ।
प्रहरीका अनुसार अहिले पानीको बहाव ९८ हजार क्यसेक मापन गरिएको छ ।
भारतीय पक्षले एक लाख क्युसेक बहाव नाघेपछि पुल जीर्ण भएको कारण देखाउँदै ठूला सवारीसाधन सञ्चालनमा रोक लगाउँदै आएको थियो । कञ्चनपुरको महेन्द्रनगरबाट काठमाडौँ, पोखरालगागत स्थानका लागि आजदेखि यातायात सेवा सञ्चालन भएको महाकाली बहुउद्देश्यीय यातायात कम्पनी प्रालिका अध्यक्ष नविन भट्टले जानकारी दिए ।
‘वर्षाका कारण काठमाडौँका यात्रुवाहक बस चार दिनदेखि र सुदूरपश्चिमका पहाडी जिल्लामा तीन दिनदेखि यातायात बन्द गरिएको थियो’, अध्यक्ष भट्टले भने, ‘मौसममा सुधार आएसँगै यातायात सेवा पनि आजदेखि सुरु भइसकेको छ ।’ रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4