News Summary
Generated by OK AI. Editorially reviewed.- मेक्योर काठमाडौं सुकेधारा हाइट्स ग्रिन की प्रमाणीकरण प्राप्त गर्ने नेपालको पहिलो होटल बनेको छ ।
- ग्रिन की इन्भाइरोमेन्टल एजुकेसन फाउन्डेसनले वातावरणीय व्यवस्थापन र दिगो सञ्चालनका मापदण्ड पूरा गर्ने होटललाई यो मान्यता दिने गर्छ ।
- यो प्रमाणीकरणसँगै मेक्योर ८० भन्दा बढी देशका ग्रिन की प्रमाणित होटल प्रतिष्ठानको विश्वव्यापी सञ्जालमा जोडिएको छ ।
२३ असोज, काठमाडौं । मेक्योर काठमाडौं सुकेधारा हाइट्स ‘ग्रिन की’ प्रमाणीकरण प्राप्त होटल बनेको छ । जुन दिगो पर्यटकीय संरचनाका रूपमा अन्तर्राष्ट्रिय मान्यता हो ।
होटलले यो एक गर्विलो उपलब्धि भएको बताएको छ । होटलहरूलाई ग्रिन की इन्भाइरोमेन्टल एजुकेसन फाउन्डेसन (एफईई) ले प्रदान गर्छ ।
वातावरणीय व्यवस्थापन र दिगो सञ्चालनका मापदण्ड पूरा गर्ने होटल तथा पर्यटन व्यवसायले यस्तो मान्यता पाउने गर्छन् । मेक्योरका अनुसार दिगोपनका लागि एक दर्जन क्षेत्रमा होटलको मूल्यांकन हुन्छ । जसमा ऊर्जा, पानी प्रयोग, फोहोर न्यूनीकरण तथा व्यवस्थापन, खाद्य आपूर्ति, कर्मचारीको दक्षता अभिवृद्धि, समुदायको सहभागिता जस्ता विषय समेटिएका हुन्छन् ।
यो मान्यतासँगै मेक्योर ८० भन्दा बढी देशमा रहेका ग्रिन की प्रमाणित होटल प्रतिष्ठानको विश्वव्यापी सञ्जालमा जोडिएको हो । होटलका अनुसार यो प्रमाणीकरण हरेक वर्ष नवीकरण हुन्छ । सोहीकारण प्रतिष्ठानहरूले आफ्ना मापदण्डमा निरन्तर सुधार र अभिवृद्धि गर्दै जानुपर्छ ।
नेपालका लागि फ्रान्सेली राजदूत फ्रान्साज पुइग इन्जाले उक्त प्रणाीकरणका लागि होटल व्यवस्थापनलाई बधाई दिएकी छिन् ।
होटलका महाप्रबन्धक अभिषेक पासरिछाले ग्रिन की प्रमाणीकरण पाउने नेपालको पहिलो होटल बनेको जानकारी दिए । यो यात्राको प्रारम्भ भएको भन्दै उनले सुधार र दिगो सञ्चालनका प्रयास अझै उचाइमा पुर्याइने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4