९ कात्तिक, काठमाडौं । नेकपा एमालेका प्रमुख सचेतक भानुभक्त ढकालले लोकमानसिंह कार्कीले संविधान र कानुनलाई समेत हातमा लिएर समानान्तर सत्ताको अभ्यास गर्न थालेकाले महाअभियोग प्रस्ताव ल्याउनुपरेको बताएका छन् ।
महाअभियोग प्रस्तावलाई संसद बैठकमा समर्थन गर्दै ढकालले १३ पन्ने मार्फत दलका नेता, राष्ट्रसेवक कर्मचारी लगायतलाई चुप लगाएर समानान्तर सत्ता चलाउन थालेको आरोप लगाए ।
उनले भने, ‘मिडियामा आइसकेको छ, मुख्य सचिवदेखि बिभिन्न व्यक्तिलाई १३ पन्नेबाट प्रताडित गरेर सत्ता चलाउन खोजियो । आफूलाई मन नपरेको व्यक्तिलाई अख्तियारको अस्त्र प्रयोग गरेर मानसिक यातना दिने र बद्नाम गर्ने काम भयो ।’
ढकालले प्रधानमन्त्री प्रचण्ड भारतको भ्रमणमा रहेका बेला भारतीय समकक्षीसँग वार्ताको तय हुँदा यता अख्तियार प्रमुखले पत्रकार सम्मेलन गरेर प्रधानमन्त्री विरुद्ध मुद्दा चलाउने धम्की दिएका बताए । उनले यसलाई देश विरुद्धको जवाफदेही विहीनताको संज्ञा दिए ।
ढकालले महाअभियोग प्रस्तावलाई सत्ता परिवर्तनसँग जोडिएकोमा आपत्ति जनाए । उनले यो प्रस्ताव सत्ता परिवर्तनसँग कुनै सम्बन्ध नरहेको भन्दै यसलाई साझा प्रस्ताव बनाउन एमालेले समर्थन जनाएको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4