२०७५ कात्तिक २२ गते ९:१५ 
२२ कात्तिक, काठमाडौं । ट्रेन्ट बोल्टको ह्याट्रिक विकेटको मद्दतमा न्यूजील्यान्डले पाकिस्तानविरुद्धको एक दिवसीय क्रिकेट सिरिजको पहिलो खेल आफ्नो पक्षमा पारेको छ । पाकिस्तानसँगको ३ खेलको एक दिवसीय क्रिकेट सिरिजको पहिलो खेलमा न्यूजील्यान्ड ४७ रनले विजयी भएको हो ।
२६७ रनको लक्ष्य पछ्याउँदै ब्याटिङ गरेको पाकिस्तानले ४७.२ ओभरमा सबै विकेटको क्षतिमा २१९ रन मात्रै बनाउन सक्यो ।
पाकिस्तानका लागि कप्तान सर्फराज अहमदले ६४, इमाद वासिमले ५०, इमाम उल हकले ३४ र शोइब मालिकले ३० रन बनाए पनि न्यूजील्यान्डलाई पराजित गर्न सकेन ।
बलिङतर्फ न्यूजील्यान्डका ट्रेन्ट बोल्टले ह्याट्रिक विकेट लिए । उनले खेलको २.२ ओभरमा फखर जमानलाई आउट गराएका थिए । त्यसपछिको बलमा बाबर अजामलाई आउट गराए । २ ओभरको चौथो बलमा मोहम्मद हफिजलाई आउट गराउँदै ह्याट्रिक विकेट लिएका थिए ।
युएईको अवुधावीस्थित शिख जायद रंगशालामा टस जितेर ब्याटिङ गरेको न्यूजील्यान्डले निर्धारित ५० ओभरमा ९ विकेटको क्षतिमा २६६ रन बनाएको थियो । न्यूजील्यान्डका लागि रोस टायलरले ८० र टोम लाथमले ६८ रन बनाएका थिए ।
बलिङतर्फ भने शाहिन शाह अफ्रिदी र शादब खानले समान ४–४ विकेट लिएका थिए ।
३ खेलको एक दिवसीय क्रिकेट सिरिजमा न्यूजील्यान्डले १–० को अग्रता बनाएको छ ।
प्रतिक्रिया 4