२०७५ कात्तिक २२ गते १७:४० 
२२ कार्तिक, काठमाडौं । ओलम्पिक खेलकुदअन्तर्गत महिला फुटबलको एसिया छनोटमा नेपालले भारतसँग बराबरी खेल्दै अंक बाँडेको छ ।
म्यानमारको थुवुन्ना रंगशालामा भएको खेलमा नेपालले बलियो प्रतिद्वन्द्वी भारतसँग १-१ गोलको बराबरी खेल्दै अंक बाँडेको हो । सुरुवाती समयमा गोल गरेको नेपालले आफ्नो अग्रतालाई जोगाउन राख्न नसक्दा बराबरीमा चित्त बुझाउनुपरेको हो ।
खेलको ११ औं मिनेटमा नै निरु थापाले गोल गर्दै नेपाललाई अग्रता दिलाएकी थिइन् । तर नेपालले आफ्नो अग्रता धेरै बेरसम्म टिकाइराख्न सकेन । खेलको ३७ औं मिनेटमा कमलादेवी युम्नामले गोल गर्दै भारतलाई बराबरीमा पुर्याएकी थिइन् ।
पहिलो हाफमा दुबै टिमले १-१ गोलको बराबरी खेलेका थिए भने दोस्रो हाफमा गोल गर्न नसक्दा बराबरीमै चिक्त बुझाउन पुग्यो ।
ओलम्पिकअन्तर्गत एसिया छनोटमा नेपालसँगै आयोजक म्यानमार, भारत र बंगलादेश रहेका छन् । नेपालले आफ्नो दोस्रो खेल आयोजक म्यानमारसँग ११ तारिखमा खेल्ने छ । त्यस्तै, तेस्रो खेलमा नेपालले बंगलादेशसँग १३ तारिखमा खेल्नेछ ।
प्रतिक्रिया 4