काठमाडौं । अमेरिकी सेरेना विलियम्सलाई हराउँदै सिमोना हालेपले विम्बल्डन टेनिसको उपाधि जितेकी छन् । यो उनको पहिलो विम्बल्डन र दोस्रो ग्राण्डस्लाम उपाधि हो ।
शनिबार भएको उपाधि भिडन्तमा रोमानियाकी हालेपले सेरेनालाई ६–२ र ६–२ को साझो सेटमा पराजित गरेकी हुन् । उनले मात्र ५६ मिनेटमा खेल जितेकी थिइन् ।
उनी विम्बल्डन जित्ने रोमानियाकी पहिलो महिला खेलाडी समेत बेनकी छन् ।
२७ वर्षीय हालेपले २०१८ मा फ्रेन्च ओपन जितेकी थिइन् ।
सेरेना २४ औं ग्राण्डस्लामको उपाधिका लागि भिडेकी थिइन् तर, हालेपसामू टिक्न सकिनन् ।
३७ वर्षीया सेरेना १२ महिनाभित्र तेस्रो पटक ग्राण्डस्लामको फाइनलमा हारेकी हुन् ।
यदि उनले जितेको भए आठौं विम्बल्डन र २४ औं ग्राण्डस्लाम उपाधि हुने थियो र अष्ट्रेलियाकी मारग्रेट कोर्टको रेकर्डसँग बराबरी गर्ने थिइन् तर यो पटक सम्भव भएन ।