सौगात र नम्रताको ‘माछा माछा’को प्रिमियर

भोली शुक्रबारदेखि रिलिज हुन लागेको चलचित्र ‘माछा माछा’को प्रिमियर काठमाण्डौको वीग मुभिजमा गरिएको छ । बुधबार बेलुकी चलचित्रका कलाकार, पत्रकार र दर्शकको उपस्थितीमा यो चलचित्रको प्रिमियर गरिएको हो ।

प्रिमियरमा चलचित्रका मुख्य कलाकार सौगात मल्ल, विजय बराल, नम्रता श्रेष्ठ, श्रृष्टी श्रेष्ठ, निर्माता दयाहाङ राई, रामबाबु गुरुङ, निर्देशक सुनिल गुरुङ उपस्थित थिए । यस्तै, चलचित्र हेर्नका लागि नायिका मिरुना मगर पनि हल पुगेकी थिइन् । चलचित्र ‘माछा माछा’ले पैसाको कथालाई उठान गरेको छ ।

तीन जना साथी र उनीहरुको पैसा कमाउने धुनमा आइपर्ने विभिन्न उतारचढाव नै यो चलचित्रको मुख्य कथा हो । चलचित्रको कथामा तीन मात्र गोलचक्करमा घुमेका छन् । एकपछि अर्को घटनाक्रमले दर्शकलाई वाँधिराखेको छ । कलाकार विजय बरालको कमेडीले दर्शकलाई होल्ड गर्छ ।

यस्तो कथावस्तुमा चलचित्र यसअघि नबनेका होइनन् । तर, पनि चलचित्र हेर्दा दर्शकले मनोरञ्जन भने प्राप्त गर्छन् ।