१ पुस, काठमाडौं । इलाम विकास समाजले सागमा पदक बिजयी खेलाडीहरुलाई सम्मान गरेको छ । समाजले मंगलबार आयोजना गरेको एक कार्यक्रमकाबीच नेकपा संसदीय दलका उपनेता सुवास नेम्वाङले खेलाडीहरुलाई सम्मान गरे ।
समाजले मुलुकको पूर्व क्षेत्रबाट सागमा प्रतिनिधित्व गरि पदक जित्ने खेलाडीलाई सम्मान गरेको हो । सम्मानित हुनेमा स्वर्ण विजेता फुटबलका छिरिङ गुरुङ र उसुकी जेनी राई, रजत विजेता महिला फुटबलकी एन्जिला सुब्बा र कास्य विजेता बिच भलिबलकी बिनिता बुढाथोकी र बास्केटबलका बिजय बुर्जा रहेका छन् ।
