काठमाडौं । जावालाखेल युथ क्लबले शहीद स्मारक ए डिभिजन लिगमा पहिलो जित हात पारेको छ ।
शनिबार एन्फा कम्प्लेक्स सातदोबाटोमा भएको खेलमा जाउलाखेलले सरस्वती युथ क्लबलाई १-० ले पराजित गरेको हो । उसले लिगको पहिलो खेलमा थ्री स्टारलाई गोलरहित बराबरीमा रोकेको थियो ।
खेलमा जावालाखेललाई जित दिलाउन विदेशी खेलाडी ड्याडि जुनियर वाम्बावले निर्णायक गोल गरे । उनले खेलको १०औं मिनेटमा गरेको गोल नै जावलाखेललाई ३ अंक दिलाउन पर्याप्त बन्यो ।
जावलाखेलले २ खेलबाट ४ अंक जोडेको छ ।