भरतपुर कोरोना अस्पतालले माग्यो स्वास्थ्यकर्मी

१२ चैत, चितवन । चितवनको भरतपुरमा स्थापना गरिएको कोरोना अस्पतालले कोरोना भाइरस संक्रमितको उपचार गर्न स्वास्थ्यकर्मी माग गरेको छ ।

अस्पतालले चिकित्सक, नर्स, ल्याब टेक्निसियन, रेडियोग्राफर सहितको स्वास्थ्यकर्मी माग गरेको हो ।

अस्पतालका प्रवक्ता एवं सदस्य सचिव डा. भोजराज अधिकारीले बुधबार एक सूचना जारी गरी स्वास्थ्यकर्मी जरुरी भएकोले चैत १३ गते साँझ ५ बजेसम्म सम्पर्कमा आउन आग्रह गरेका छन् । आवेदकहरुको अन्तर्वार्ता चैत १४ गते बिहान १० बजेबाट अस्पतालमा नै हुने सूचनामा उल्लेख छ ।

अस्पताल स्थापना गर्दा स्वास्थ्यकर्मीहरुको व्यवस्थापन भरतपुर अस्पतालका मेडिकल सुपरिटेण्डेन्ट डा. श्रीराम तिवारीले गर्ने उल्लेख थियो ।