२४ माघ, सिलोङ । १२ औं दक्षिण एशियाली खेलकुद सागको महिला फुटवलमा नेपालले लगातार दोस्रो सफलता हात पारेको छ ।
जवाहरलाल नेहरु रंगशाला सिलोङमा आज भएको खेलमा माल्दिभ्सलाई दुई शून्य गोलले हराउँदै नेपालले दोश्रो जित हात पारेको हो ।
यसअघि प्रतियोगिताको पहिलो खेलमा नेपालले बंगलादेशलाई चार शून्य गोलले हराएको थियो ।
नेपालको जितमा कप्तान अनु लामा र निरु थापाले एक एक गोल गरे । अनुले खेलको ३६ औं मिनेटमा गोल गर्दै नेपाललाई सुरुवाती अग्रता दिलाएकी थिइन । उनले सावित्रा भण्डारीको पासमा गोल गरेकी हुन् ।
मालदिभ्स बिरुद्ध एकतर्फी दवाब दिएको नेपालले ८९ औं मिनेटमा अनुको गोलसँगै दुई शून्य गोलको जित सुनिश्चित गर्यो । विपक्षी डिफेण्डरको गल्तिमा अनुले गोल गरेर सदुपयोग गरिन ।
जित पछि नेपालका प्रशिक्षक ध्रुव केसीले माल्दिभ्सले सुधारिएको प्रदर्शन गरेपनि आफ्नो टिमले राम्रो खेलेकोले जित निस्कएको बताए ।
कप्तान तथा गोलकर्ता अनु लामाले टिमवर्कमा खेलेकाले जित्न सफल भएको प्रतिक्रिया दिइन् ।
नेपालले अब फागुन २८ गते श्रीलंकासँग खेल्नेछ भने ३० गते आयोजक भारतसँग खेल्नेछ ।
राउण्ड रोविन लिग प्रणाली अन्तर्गत खेलाइएको प्रतियोगिताको शीर्ष दुई टोलीले उपाधिका लागि प्रतिस्पर्धा गर्नेछन् ।