काठमाडौं । इंग्लिस प्रिमियर लिग फुटबलमा लगातार चौथो जित निकाल्ने क्रममा आर्सनलले चेल्सीलाई पराजित गरेको छ ।
घरेलु मैदान इमिरेट्स रंगशालामा भएको खेलमा आर्सनल निक्कै आक्रामक देखिएको थियो । उसले चेल्सीलाई तीन शून्यले पराजित गर्यो । सबै गोल पहिलो हाफमै संभव भएका थिए ।
११औं मिनेटमा एलेक्सिस सान्चेसले अग्रता दिलाएकोमा त्यसको तीन मिनेटपछि थियागो वाल्कटले १४औं मिनेटमा अग्रता दोव्वर पारे ।
आर्सनलका लागि तेस्रो गोल मेसुट ओजिलले पहिलो हाफको ४०औं मिनेटमा गरेका थिए । नयाँ सिजनमा ओजिलले घरेलु मैदानमा गरेको यो पहिलो गोल हो ।
जितसँगै आर्सनल ६ खेलबाट १३अंकसहित लिगको तेस्रो स्थानमा उक्लिएको छ । १० अंक जोडेको चेल्सी आठौं स्थानमा छ ।
प्रिमियर लिगको जारी सिजनमा चेल्सीको यो लगातार दोस्रो हार हो । चेल्सीले यसअघिको खेलमा लिभरपुलसँग २-१ को पराजय ब्यहोरेको थियो ।